Kannur Murder: കണ്ണൂരിൽ ഇതര സംസ്ഥാന തൊഴിലാളിയെ വെട്ടിക്കൊന്നു; പ്രതി അറസ്റ്റിൽ

Kannur Murder Udpates: കൊലപാതത്തിന് കാരണം ഇസ്മായിലും പ്രതിയും തമ്മിലുള്ള ചെറിയൊരു വഴക്കാണ് എന്നാണ് റിപ്പോർട്ട്.

കണ്ണൂർ: ആന്തൂർ നഗരസഭയിൽ ഇതര സംസ്ഥാന തൊഴിലാളിയെ വെട്ടിക്കൊന്നു. ബംഗാൾ സ്വദേശി ദലിംഖാൻ എന്ന ഇസ്മായിൽ ആണ് വെട്ടേറ്റ് മരിച്ചത്. ഒപ്പം താമസിച്ചിരുന്ന സുജോയ് കുമാറിനെ പോലീസ് കസ്റ്റഡിയിലെടുത്തു. സംഭവം നടന്നത് ഇന്നലെ രാത്രി 7:30 യോടെയാണ്.   

Add Zee News as a Preferred Source

പ്രതി ഇസ്മയിലിനെ ഇതര സംസ്ഥാന തൊഴിലാളികൾ താമസിക്കുന്ന കെട്ടിടത്തിൻെറ്ററസിൽ കൊണ്ടുപോയി വെട്ടുകത്തി കൊണ്ട് വെട്ടിക്കൊല്ലുകയായിരുന്നു എന്നാണ് റിപ്പോർട്ട്. ഇവരുടെ കൂടെ ഇസ്മയിലിന്റെ സഹോദരനും താമസിച്ചിരുന്നു. ഇസ്മയിലിനെ കാണാഞ്ഞതിനാൽ സഹോദരൻ തിരഞ്ഞപ്പോഴാണ് രക്തത്തിൽ കുളിച്ചു കിടക്കുന്ന നിലയിൽ ഇസ്മയിലിനെ കണ്ടെത്തിയത്. 

ഇതിനിടയിൽ പ്രതിയായ സുജോയ് കുമാർ ഓട്ടോറിക്ഷയിൽ കയറി നാടുവിടാൻ ഗ്രാമിച്ചിരുന്നുവെങ്കിലും ഓട്ടോ ഡ്രൈവർ ഇയാളെ തന്ത്രപൂർവ്വം വളപട്ടണം പോലീസ് സ്റ്റേഷനിലെത്തിക്കുകയായിരുന്നു. കണ്ണൂരിലെ മൊറാഴയിൽ കരാറുകാരനായ കാട്ടാമ്പള്ളി രാമചന്ദ്രന്റെ കീഴിൽ പത്തോളം മറുനാടൻ തൊഴിലാളികൾ താമസിക്കുന്നുണ്ട്. കൊല്ലപ്പെട്ട ഇസ്മായിൽ 15 വർഷമായി രാമചന്ദ്രന്റെ കീഴിൽ ജോലി ചെയ്യുന്ന കോൺക്രീറ്റ് മേസ്തിരിയാണ്. ഇസ്‍മയിലിന്റെ മ്രിതദേഹം മെഡിക്കൽ കോളേജിലേക്ക് മാറ്റിയിട്ടുണ്ട്. അറസ്റ്റു ചെയ്ത പ്രതിയെ വളപട്ടണം പോലീസ് തളിപ്പറമ്പ് പൊലീസിന് കൈമാറിയിട്ടുണ്ട്.

കൊലപാതത്തിന് കാരണം ഇസ്മായിലും പ്രതിയും തമ്മിലുള്ള ചെറിയൊരു വഴക്കാണ് എന്നാണ് റിപ്പോർട്ട്. രണ്ടു ദിവസം മുൻപാണ് ഇരുവരും തമ്മിൽ തൊഴിൽപരമായ വഴക്കുണ്ടായത്. ഇതാകാം കൊലപാതകത്തിലേക്ക് നയിച്ചതെന്നാണ് പോലീസ് നിഗമനം.