US Criminal Arrested In Kerala: ഇന്റർപോൾ തേടിയ ക്രിമിനൽ കേരള പോലീസിന്റെ പിടിയിൽ; വർക്കലയിലെ റിസോർട്ടിൽ താമസിച്ചിരുന്നത് രാജ്യാന്തര ക്രിപ്റ്റോ കറൻസി കുറ്റവാളി

Interpol Red Corner Notice: വർക്കലയിലെ റിസോർട്ടിൽ കുടുംബത്തോടൊപ്പം തങ്ങുകയായിരുന്ന അലക്സ്യേയെ ഇന്റർപോളിന്റെയും സിബിഐയുടെയും നിർദേശപ്രകാരം കേരള പോലീസ് അറസ്റ്റ് ചെയ്യുകയായിരുന്നു.

തിരുവനന്തപുരം: രാജ്യാന്തര ഏജൻസികൾ അന്വേഷിച്ചിരുന്ന ക്രിപ്റ്റോ കറൻസി കുറ്റവാളി അലക്സ്യേ ബെസിയോകോവ് അറസ്റ്റിൽ. കേരള പോലീസാണ് ഇയാളെ പിടികൂടിയത്. ലിത്വേനിയക്കാരനാണ് അലക്സ്യേ ബെസിയോകോവ്.

Add Zee News as a Preferred Source

വർക്കലയിലെ റിസോർട്ടിൽ കുടുംബത്തോടൊപ്പം തങ്ങുകയായിരുന്ന അലക്സ്യേയെ ഇന്റർപോളിന്റെയും സിബിഐയുടെയും നിർദേശപ്രകാരം കേരള പോലീസ് അറസ്റ്റ് ചെയ്യുകയായിരുന്നു.

റഷ്യ കേന്ദ്രമാക്കിയുള്ള ക്രിപ്റ്റോകറൻസി ഏജൻസി ​ഗരാന്റസിന്റെ സഹസ്ഥാപകനാണ് ഇയാൾ. ക്രിപ്റ്റോ തട്ടിപ്പിലെ രാജ്യാന്തര കുറ്റവാളിയാണ് ഇയാൾ. ക്രിപ്റ്റോകറൻസി ഏജൻസിയായ ​ഗരാന്റസ് വഴി 2019ന് ശേഷം 96 ബില്യൺ ഡോളറിന്റെ ഇടപാടാണ് നടന്നത്.

റാൻസംവെയർ, ഹാക്കിങ്, ലഹരിക്കടത്ത് സംഘങ്ങളുമായുള്ള സാമ്പത്തിക ഇടപാടുകൾ, തീവ്രവാദം തുടങ്ങിയവയാണ് പ്രധാന കുറ്റങ്ങൾ. 2022ൽ അമേരിക്കയുടെ അം​ഗീകാരം നേടിയ ഈ കമ്പനിയുടെ ഇടപാടുകൾ ഒരാഴ്ച മുൻപ് യൂറോപ്യൻ രാജ്യങ്ങളും അമേരിക്കയും നിരോധിച്ചിരുന്നു.

ഏജൻസിയുടെ ഓഫീസുകളും പൂട്ടിച്ചു. ഇന്റർപോൾ റെഡ്കോർണർ നോട്ടീസ് പ്രകാരം, സിബിഐ നിർദേശത്തെ തുടർന്നായിരുന്നു അറസ്റ്റ്. പ്രതിയെ പൂജപ്പുര ജയിലിലേക്ക് മാറ്റി. നടപടിക്രമങ്ങൾ പൂർത്തിയാക്കി അടുത്ത ദിവസം ഇയാളെ ഡൽഹിയിലേക്ക് കൊണ്ടുപോകും.