Ganja Seized: 10 കിലോ കഞ്ചാവുമായി ഇതര സംസ്ഥാന തൊഴിലാളി പിടിയിൽ

കഴക്കൂട്ടം: 10 കിലോ കഞ്ചാവുമായി ഇതര സംസ്ഥാന തൊഴിലാളി പിടിയിൽ.  കഴക്കൂട്ടത്ത് നിന്നാണ് ഇയാളെ പിടികൂടിയത്. പശ്ചിമ ബംഗാൾ സ്വദേശി ദേബരഥ സർക്കാറിനെയാണ് കഴക്കൂട്ടം എക്സൈസ് സംഘം പിടികൂടിയത്. ചേങ്കോട്ടുകോണം തുണ്ടത്തിന് സമീപം ഇയാൾ താമസിക്കുന്ന വീട്ടിൽ നിന്നാണ് 10 കിലോയോളം വരുന്ന കഞ്ചാവ് കണ്ടെടുത്തത്

Also Read: വിപഞ്ചികയുടെ മരണം: ഭർത്താവിനും കുടുംബത്തിനുമെതിരെ കേസെടുത്ത് പോലീസ്

ഇയാൾ ഇവിടെ അടുത്തിടെയാണ് താമസത്തിന് എത്തിയത്. രഹസ്യ വിവരം കിട്ടിയതിന്റെ അടിസ്ഥാനത്തിൽ ദിവസങ്ങളായി കഴക്കൂട്ടം എക്സൈസ്  സംഘം ഇയാളെ നിരീക്ഷിക്കുകയായിരുന്നു  ഇയാൾ കഞ്ചാവ് പശ്ചിമ ബംഗാളിൽ നിന്നാണ് കേരളത്തിലേക്ക് എത്തിച്ചിരുന്നത് എന്നാണ് റിപ്പോർട്ട്. ഇയാൾ കഞ്ചാവ് ഇതര സംസ്ഥാന തൊഴിലാളികൾക്കിടയിൽ ചില്ലറ വില്പനയും നടത്തിവരികയായിരുന്നു. ഇയാൾ സ്ഥിരമായി ഒരിടത്ത് താമസിക്കാത്തതിനാൽ പലപ്പോഴും പിടിയിലാകാറില്ലായിരുന്നു. അറസ്റ്റു ചെയ്ത പ്രതിയെ പ്രതിയെ നാളെ കോടതിയിൽ ഹാജരാക്കുമെന്നാണ് റിപ്പോർട്ട്.

മഹാരാഷ്ട്രയിൽ നിന്ന് ഒന്നരക്കോടി രൂപ തട്ടിയെടുത്ത് കടന്ന സംഘം വയനാട്ടിൽ പിടിയിൽ

വയനാട്ടിൽ വൻ കവർച്ചാ സംഘം പിടിയിൽ. മഹാരാഷ്ട്രയിൽ നിന്ന് ഒന്നരക്കോടി രൂപ തട്ടിയെടുത്ത് കടന്ന സംഘമാണ് പിടിയിലായത്. കൽപ്പറ്റ പൊലീസാണ് പ്രതികളെ സാഹസികമായി പിടികൂടിയത്. കുമ്മാട്ടർമേട്, ചിറക്കടവ്, ചിത്തിര വീട്ടിൽ നന്ദകുമാർ(32), കാണിക്കുളം, കഞ്ഞിക്കുളം അജിത്കുമാർ(27), പോൽപുള്ളി,പാലാനംകൂറിശ്ശി,  സുരേഷ്(47), കാരെക്കാട്ട്പറമ്പ്, ഉഷ നിവാസ്, വിഷ്ണു (29), മലമ്പുഴ, കാഞ്ഞിരക്കടവ്, ജിനു(31), വാവുല്യപുരം, തോണിപാടം, കലാധരൻ(33) എന്നിവരെയാണ് പിടികൂടിയത്.

Also Read: ഗജകേസരി യോഗത്താൽ 3 രാശിക്കാർക്ക് ലഭിക്കും അത്യപൂർവ്വ നേട്ടങ്ങൾ, നിങ്ങളും ഉണ്ടോ?

ഹൈവേ പോലീസും  കൽപ്പറ്റ പോലീസും സ്ക്വാഡും സംയുക്തമായാണ് കവർച്ചാ സംഘത്തെ പിടികൂടിയത്. എൽ.10 എ. ജി 7200 എന്ന നമ്പറിലുള്ള സ്‌കോർപിയോയിൽ രക്ഷപ്പെടാൻ ശ്രമിക്കുകയായിരുന്ന ഇവരെ  കൈനാട്ടിയിൽ വെച്ച് പിടികൂടുകയായിരുന്നു. പിടിയിലായവരെല്ലാം കവർച്ച, വധശ്രമം, ലഹരിക്കടത്ത് എന്നിങ്ങനെ നിരവധി ക്രിമിനൽ കേസുകളിൽപ്പെട്ടവരാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.