Aluva Missing Girl Found Dead: സന്ധ്യയെ ആറ് മണിയായപ്പോഴും കാണാതായതോടെ വീട്ടിലുൾപ്പെടെ വിളിച്ചിരുന്നു.
മൂഴിക്കുളം: സന്ധ്യയുടെ സ്വഭാവത്തിൽ ദുരൂഹതയുള്ളതായി കൊല്ലപ്പെട്ട കല്യാണിയുടെ പിതാവ് സുഭാഷ് പറഞ്ഞു. സന്ധ്യക്കൊപ്പം പോകരുതെന്ന് കുട്ടികളോട് പറഞ്ഞിരുന്നതാണെന്നും താൻ സന്ധ്യയെ ഉപദ്രവിച്ചിട്ടില്ലെന്നും. സന്ധ്യക്കാണോ അവരുടെ വീട്ടുകാർക്കാണോ മാനസികാസ്വാസ്ഥ്യമെന്ന് അറിയില്ലെന്നും കല്യാണിയുടെ പിതാവ് പ്രമുഖ മാധ്യമത്തിനോട് പറഞ്ഞു.
മാത്രമല്ല രണ്ട് വയസ്സുള്ളപ്പോൾ കല്ല്യാണിയെ സന്ധ്യ അടിച്ചതിന്റെ പാട് കുഞ്ഞിന്റെ നെഞ്ചിലുണ്ടെന്നും പിതാവ് പറഞ്ഞു. തന്റെ അച്ഛൻ വെന്റിലേറ്ററിൽ കഴിയുകയാണെന്നും ഇന്നലെ പകലാണ് തിരുവനന്തപുരത്ത് നിന്ന് വീട്ടിലേക്ക് എത്തിയതെന്നും. അത് കഴിഞ്ഞ് ഇന്നലെ ഇഎസ്ഐയുമായി ബന്ധപ്പെട്ട കാര്യങ്ങൾക്കായി ആശുപത്രിയിൽ നിൽക്കുമ്പോൾ കുക്കറിന്റെ വാഷർപൊട്ടിയെന്നും വാങ്ങി വരാമോ എന്നും ആവശ്യപ്പെട്ട് സന്ധ്യ വിളിച്ചിരുന്നുവെന്നും. താൻ വരാൻ താമസിക്കുമെന്ന് അറിയിച്ചുവെന്നും അദ്ദേഹം പറഞ്ഞു.
തുടർന്ന് താൻ മൂന്നരയോടെയാണ് വീട്ടിലേക്ക് എത്തിയപ്പോൾ സന്ധ്യ വീട്ടിലുണ്ടായിരുന്നില്ല. വാഷർ വാങ്ങാൻ പോയെന്നാണ് താൻ കരുതിയതെന്നും സുഭാഷ് പറഞ്ഞു. ശേഷം ആറ് മണിയായപ്പോഴും കാണാതായതോടെ സന്ധ്യയുടെ വീട്ടിലുൾപ്പെടെ വിളിച്ചിരുന്നുവെന്നും അവിടെയൊന്നും എത്തിയിരുന്നില്ലെന്നാണ് വിവരം ലഭിച്ചതെന്നും സുഭാഷ് പറഞ്ഞു. നേരത്തെയും ഇത്തരം അനുഭവങ്ങൾ ഉണ്ടായിട്ടുണ്ടെന്ന് പറഞ്ഞ സുഭാഷ് ആറു മണിക്കൂർ കഴിഞ്ഞും എത്തിയില്ലെങ്കിൽ കേസ് കൊടുക്കാനിരിക്കുകയായിരുന്നുവെന്നും പറഞ്ഞു.
സന്ധ്യയുടെ സ്വഭാവത്തിൽ ദുരൂഹതയുള്ളതായി പല തവണ അവരുടെ വീട്ടിൽ അറിയിച്ചിരുന്നു. സന്ധ്യക്ക് എന്തെങ്കിലും പ്രശ്നമുള്ളതായി തോന്നിയിട്ടില്ലെന്നും. ബുദ്ധിപൂർവ്വമാണ് എല്ലാ കാര്യങ്ങളും സന്ധ്യ ചെയ്തതെന്നും അദ്ദേഹം കൂട്ടിച്ചേർത്തു.
ഇന്നലെ വൈകുന്നേരത്തോടെയാണ് മൂന്ന് വയസ്സുകാരിയായ കല്യാണിയെ കാണാതായെന്ന വിവരം പുറംലോകം അറിഞ്ഞത്. കുട്ടിയുടെ അമ്മയുടെ ആദ്യമൊഴി ആലുവയില് വെച്ചാണ് കുട്ടിയെ കാണാതായതെന്നായിരുന്നു. തിരുവാണിയൂര് പഞ്ചായത്തിലെ മറ്റക്കുഴിയിലെ അംഗനവാടിയില് നിന്നും കുട്ടിയെ കൂട്ടിക്കൊണ്ടു വരുന്നതിനിടയില് ബസ്സില് വെച്ച് കുട്ടിയെ കാണാതാവുകയായിരുന്നു എന്നായിരുന്നു അമ്മ പറഞ്ഞത്. ഇതിനിടയിൽ കുട്ടിയുമായി അമ്മ പോകുന്ന ദൃശ്യങ്ങൾ പോലീസിന് ലഭിച്ചിരുന്നു. അതിന് ശേഷം നടത്തിയ ചോദ്യം ചെയ്യലിലാണ് മൂഴിക്കുളം പാലത്തിന് മുകളില് നിന്നും കുട്ടിയെ താഴേയ്ക്ക് ഇട്ടതായി അമ്മ പോലീസിന് മൊഴി നല്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
കുട്ടിയുമായി അമ്മ മൂഴിക്കുളം പാലത്തിന് സമീപം എത്തിയതിന്റെ സിസിടിവി ദൃശ്യങ്ങള് പോലീസിന് ലഭിച്ചതോടെ പാലത്തിന് സമീപമുള്ള പുഴയില് തിരച്ചില് ആരംഭിക്കുകയായിരുന്നു. മാത്രമല്ല കുട്ടിയുടെ അമ്മയെ തിരികെ വീട്ടില് വിടുമ്പോള് ഒപ്പം കുട്ടിയുണ്ടായിരുന്നില്ല എന്നും റിപ്പോർട്ടുണ്ട്. ഇക്കാര്യം ഓട്ടോ ഡ്രൈവര് ആൺ പറഞ്ഞത്. കുറുമശ്ശേരി സ്റ്റാന്ഡില് നിന്നും യുവതി മാത്രമാണ് തന്റെ ഓട്ടോയില് കയറിയതെന്നായിരുന്നു ഡ്രൈവർ പറഞ്ഞത്. തുടർന്ന് പോലീസും ഫയര്ഫോഴ്സും നാട്ടുകാരും പുഴയില് തിരച്ചിലിനിറങ്ങി. കനത്ത മഴയും വെളിച്ചക്കുറവും തിരച്ചിലിന് പ്രതിസന്ധിയായെങ്കിലും നാട്ടുകാരുടെ സഹകരണത്തോടെ പോലീസും ഫയര്ഫോഴ്സും കല്യാണിക്കായി തിരച്ചില് ഊര്ജ്ജിതമാക്കുകയായിരുന്നു. ശേഷം സ്കൂബാ ടീമിനെ വരുത്തി തിരച്ചില് വ്യാപകമാക്കി. മൂന്നര മണിക്കൂറിലേറെ നീണ്ട തിരച്ചിലിനൊടുവില് കല്യാണിയുടെ ജീവനറ്റ ശരീരം രക്ഷാപ്രവര്ത്തകര്ക്ക് കണ്ടെത്തി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)