 "Kannur Murder Case: കണ്ണൂരിൽ 49 കാരനെ വെടിവെച്ചു കൊന്നു; കൊല്ലുന്നതിന് മുന്പും ശേഷവും എഫ്ബി പോസ്റ്റ്")
കണ്ണൂർ: 49 കാരനായ രാധാകൃഷ്ണനെ വെടിയേറ്റ് കൊല്ലപ്പെട്ട നിലയിൽ കണ്ടെത്തിയ കേസിലെ പ്രതി സന്തോഷിനെ പോലീസ് കസ്റ്റഡിയിലെടുത്തു. ഇന്നലെ വൈകുന്നേരം 6:30 നാണ് സംഭവം നടന്നത്. നിർമാണം നടക്കുന്ന വീട്ടിൽവെച്ചാണ് കൊലപാതകം നടന്നത്.
പ്രതിയായ സന്തോഷ് കൊല നടത്തുന്നതിന് തൊട്ടുമുന്പ് തോക്ക് പിടിച്ചുള്ള ഒരു ചിത്രം ഫേസ്ബുക്കില് പങ്കുവെച്ചിരുന്നു. ഇന്നലെ വൈകുന്നേരം 4:27 ഓടെയായിരുന്നു ഇയാള് ചിത്രം ഫേസ്ബുക്കില് പങ്കുവെച്ചിരിക്കുന്നത്. ചിത്രത്തിന് നൽകിയിരിക്കുന്ന ക്യാപ്ഷൻ 'കൊള്ളിക്കുക എന്നതാണ് ടാസ്ക്, കൊള്ളും എന്നത് ഉറപ്പ്' എന്നായിരുന്നു.
കൊലപാതകത്തിന് മുന്നേ മാത്രമല്ല അതിന് ശേഷവും സന്തോഷ് ഫേസ്ബുക്കില് ഒരു പോസ്റ്റ് പങ്കുവെച്ചിരുന്നു. ഈ പോസ്റ്റിന് താഴെയായി ചിലര് കൊല്ലപ്പെട്ട രാധാകൃഷ്ണന്റെ ചിത്രം കമന്റായി പങ്കുവെച്ചിട്ടുണ്ട്. സന്തോഷ് തോക്ക് ഉപയോഗിക്കുന്നതില് പരിശീലനം നേടിയ ആളാണെന്നാണ് വിവരം.
രാധാകൃഷ്ണന്റെ നിര്മ്മാണ പ്രവര്ത്തനങ്ങള് നടക്കുന്ന വീട്ടിലെത്തിയാണ് സന്തോഷ് വെടിയുതിര്ത്തത്. ശബ്ദം കേട്ട് ഓടിയെത്തിയ നാട്ടുകാരാണ് രാധാകൃഷ്ണനെ പരിയാരം മെഡിക്കല് കോളേജ് ആശുപത്രിയില് എത്തിച്ചത്. പക്ഷെ ജീവന് രക്ഷിക്കാനായില്ല. വിവരം നാട്ടുകാര് അറിയിച്ചതിനെ തുടര്ന്ന് പോലീസ് സ്ഥലത്തെത്തുകയും സന്തോഷിനെ പിടികൂടുകയും ചെയ്തു.
കൊല്ലപ്പെട്ട രാധാകൃഷ്ണന് കല്യാട് സ്വദേശിയും ഗുഡ്സ് ഡ്രൈവറുമാണ്. ഇയാൾ വര്ഷങ്ങളായി കൈതപ്രത്ത് വാടകയ്ക്ക് താമസിക്കുകയായിരുന്നു. രാധാകൃഷ്ണന്റെ കുടുംബവും സന്തോഷിന്റെ കുടുംബവും പരിചയക്കാരാണെന്നതിന് പുറമേ രാധാകൃഷ്ണന്റെ ഭാര്യയും സന്തോഷും ക്ലാസ്മേറ്റ്സുമാണ്. നേരത്തെ ഭാര്യയും സന്തോഷുമായുള്ള പരിചയത്തെ രാധാകൃഷ്ണന് ചോദ്യം ചെയ്തിരുന്നുവെന്നും റിപ്പോർട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
