Man Shot Dead In Kannur: വെടിയൊച്ച കേട്ട് ഓടിയെത്തിയ പ്രദേശവാസികളാണ് രക്തത്തിൽ കുളിച്ചു കിടക്കുന്ന രാധാകൃഷ്ണനെ കണ്ടത്.
)
കണ്ണൂർ: രാധാകൃഷ്ണനെ കൊലപാതകം ആസൂത്രിതമെന്ന് പോലീസ്. പ്രതി ഈ കൊലപാതകം പെട്ടെന്ന് ചെയ്തതല്ലെന്നും കൃത്യമായി ആസൂത്രണം നടത്തിയാണ് ചെയ്തതെന്നും പോലീസ് പറയുന്നു. ഇതിനിടയിൽ കൊലപാതകത്തിൽ സന്തോഷിന് ആരുടെയെങ്കിലും സഹായം ലഭിച്ചിട്ടുണ്ടോ എന്നും പോലീസ് അന്വേഷിക്കുന്നുണ്ട്.
സന്തോഷ് രാധാകൃഷ്ണനെ കൊള്ളാൻ ഉപയോഗിച്ച തോക്കിൻ ലൈസൻസ് ഉണ്ടെന്നാണ് സൂചന. എന്നാൽ പോലീസിന് തോക്ക് കണ്ടെത്താൻ ഇതുവരെ കഴിഞ്ഞിട്ടില്ല എന്നാണ് റിപ്പോർട്ട്. കസ്റ്റഡിയിലെടുത്ത പ്രതിയുടെ മൊഴി ഇന്ന് രേഖപ്പെടുത്തി കേസ് രജിസ്റ്റർ ചെയ്യും.
ഇന്നലെ രാത്രി 7 മണിയോടെ രാധാകൃഷ്ണന്റെ നിർമ്മാണം നടക്കുന്ന വീട്ടിൽ വച്ചാണ് സന്തോഷ് വെടിവച്ചു കൊല്ലുന്നത്. രാധാകൃഷ്ണന്റെ മൃതദേഹം പോസ്റ്റുമോർട്ടത്തിന് ശേഷം ഇന്ന് സംസ്കരിക്കും എന്നാണ് റിപ്പോർട്ട്. വീടുനിർമാണ കരാറിനെ ചൊല്ലിയുള്ള തർക്കമാണ് കൊലപാതകത്തിന് കാരണമെന്നാണ് പ്രാഥമിക നിഗമനം. പോയിന്റ് ബ്ലാങ്കിലാണ് സന്തോഷ് ഷൂട്ട് ചെയ്തത്. രാധാകൃഷ്ണന്റെ നെഞ്ചിലാണ് വെടിയേറ്റത്.
വെടിയൊച്ച കേട്ട് ഓടിയെത്തിയ പ്രദേശവാസികളാണ് രക്തത്തിൽ കുളിച്ചു കിടന്ന രാധാകൃഷ്ണനെ ആശുപത്രിയിൽ എത്തിച്ചത് പക്ഷെ ജീവൻ രക്ഷിക്കാനായില്ല. തുടർന്ന് വിവരമറിഞ്ഞെത്തിയ പോലീസ് നടത്തിയ തിരച്ചിലിലാണ് പ്രദേശത്ത് നിന്ന് സന്തോഷിനെ കണ്ടെത്തുന്നത്. ഇയാൾ മദ്യലഹരിയിലായിരുന്നു എന്നാണ് വിവരം.
കൊലയ്ക്ക് മുന്പും ശേഷവും പ്രതിയായ സന്തോഷ് ഫേസ്ബുക്കില് പോസ്റ്റിട്ടിരുന്നു എന്നതും ശ്രദ്ധേയം. വൈകിട്ട് 4:23ന് സന്തോഷ് തോക്കേന്തി നിൽക്കുന്ന ഒരു ചിത്രമാണ് ഫേസ്ബുക്കിൽ ആദ്യം പോസ്റ്റ് ചെയ്തത്. 'കൊള്ളിക്കുക എന്നത് ആണ് ടാസ്ക്. കൊള്ളിക്കും എന്നത് ഉറപ്പ്' എന്ന അടിക്കുറിപ്പോടെയായിരുന്നു പോസ്റ്റ്. ശേഷം വൈകുന്നേരം 07:27 ന് മറ്റൊരു പോസ്റ്റ് കൂടി പങ്കുവെച്ചിരുന്നു. അതിൽ 'നിന്നോട് ഞാൻ പറഞ്ഞത് അല്ലെടാ എന്റെ പെണ്ണിനെ ഒന്നും ചെയ്യരുത് എന്ന്.... എന്റെ ജീവൻ പോയാൽ ഞാൻ സഹിക്കും പക്ഷെ എന്റെ പെണ്ണ്.. നിനക്ക് മാപ്പില്ല' എന്നായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
