 "Kottayam Twin Murder Case: കോട്ടയത്ത് ഓഡിറ്റോറിയം ഉടമയും ഭാര്യയും വീട്ടിൽ കൊല്ലപ്പെട്ട നിലയിൽ")
കോട്ടയം: തിരുവാതിൽക്കലില് ദമ്പതിമാരെ വീടിനുള്ളില് കൊല്ലപ്പെട്ടനിലയില് കണ്ടെത്തിയാതായി റിപ്പോർട്ട്. കോട്ടയം ഇന്ദ്രപ്രസ്ഥം ഓഡിറ്റോറിയം ഉടമ വിജയകുമാര്, ഭാര്യ മീര എന്നിവരെയാണ് കൊല്ലപ്പെട്ട നിലയിൽ കണ്ടെത്തിയത്.
സംഭവം നടന്നിരിക്കുന്നത് തിരുവാതുക്കല് എരുത്തിക്കല് അമ്പലത്തിന് സമീപത്തെ വീട്ടിലാണ്. ഇന്ന് രാവിലെ 08:45 ന് വീട്ടിലെത്തിയ ജോലിക്കാരിയാണ് രണ്ടുപേരെയും മരിച്ചനിലയില് കണ്ടെത്തിയത്. തുടർന്ന് ഇവര് പോലീസിനെ വിവരമറിയിക്കുകയായിരുന്നു. രണ്ടുപേരുടെയും മൃതദേഹങ്ങള് രക്തംവാര്ന്ന നിലയിലായിരുന്നു. സംഭവം കൊലപാതകമാണെന്ന് പ്രാഥമിക നിഗമനം. പോലീസ് വിശദമായ പരിശോധന തുടരുകയാണ്.
ഒരു മൃതദേഹം കിടപ്പ് മുറിയിലും മറ്റൊരെണ്ണം ഹാളിലുമായിരുന്നു ഉണ്ടായിരുന്നത്. മുഖത്തും തലയിലും ആഴത്തിലുള്ള മുറിവുകളുണ്ടെന്നാണ് റിപ്പോർട്ട്. വെസ്റ്റ് പോലീസ് സംഭവ സ്ഥലത്തെത്തിയിട്ടുണ്ട്. പ്രതിയെ കുറിച്ച് സൂചന ലഭിച്ചതായിട്ടാണ് വിവരം.
സംഭവത്തിൽ സിസിടിവി ദൃശ്യങ്ങള് ഉള്പ്പെടെ പരിശോധിച്ചു വരികയാണ്. ഇരുനില വീട്ടില് വിജയകുമാറും മീരയും മാത്രമാണ് താമസിച്ചിരുന്നത്. വിദേശത്ത് ആയിരുന്ന വിജയകുമാര് വിരമിച്ച ശേഷം നാട്ടില് ഭാര്യക്കൊപ്പം കഴിയുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)