 "Bengaluru Crime News: ബെംഗളൂരുവിൽ വിദ്യാർത്ഥിനിയെ തട്ടിക്കൊണ്ടുപോയി ബലാത്സംഗം ചെയ്തതായി പരാതി; മലയാളി പിജി ഉടമ അറസ്റ്റിൽ")
ബെംഗളൂരു: വിദ്യാർത്ഥിനിയെ പിജി ഉടമ തട്ടിക്കൊണ്ടുപോയി ബലാത്സംഗം ചെയ്തതായി പരാതി. സംഭവത്തിൽ അഷ്റഫ് എന്നയാളെയാണ് സോളദേവനഹള്ളി പോലീസ് അറസ്റ്റ് ചെയ്തു. പ്രതി മലയാളിയാണ്. ബെംഗളൂരു നോർത്ത് വെസ്റ്റ് പോലീസ് ഡിവിഷന് കീഴിലുള്ള സോളദേവനഹള്ളിയിലാണ് അഷ്റഫ് പിജി അക്കോമഡേഷൻ നടത്തിയിരുന്നത്.
ബെംഗളൂരുവിലെ ഒരു സ്വകാര്യ കോളജിൽ പഠിക്കുന്ന പെൺകുട്ടി രണ്ടാഴ്ച മുൻപാണ് അഷ്റഫ് നടത്തുന്ന പിജിയിൽ ചേർന്നത്. ഭക്ഷണം വാങ്ങാനെന്ന വ്യാജേന പ്രതി പെൺകുട്ടിയെയും കൂട്ടി പുറത്തുപോകുകയായിരുന്നു. എന്നാൽ പുറത്തിറങ്ങിയ ശേഷം ഇയാൾ പെൺകുട്ടിയെ ഒറ്റപ്പെട്ട സ്ഥലത്തേക്ക് കൊണ്ടുപോകുകയും ബലാത്സംഗം ചെയ്യുകയുമായിരുന്നുവെന്നാണ് പരാതി. ആക്രമണം പെൺകുട്ടി ചെറുത്തുവെങ്കിലും പ്രതി ശാരീരികമായി ഉപദ്രവിക്കുകയായിരുന്നു.
പിന്നീട് പെൺകുട്ടിയെ പ്രതി കാറിൽ പിജിയിൽ കൊണ്ടുവന്ന് ആക്കുകയായിരുന്നു. സംഭവം പുറത്തുപറഞ്ഞാൽ ഗുരുതരമായ പ്രത്യാഘാതങ്ങൾ ഉണ്ടാകുമെന്ന് ഭീഷണിപ്പെടുത്തുകയും ചെയ്തു. പെൺകുട്ടി തന്റെ സുഹൃത്തുക്കളോട് കാര്യങ്ങൾ തുറന്നുപറയുകയും തുടർന്ന് ശനിയാഴ്ച പോലീസിൽ പരാതി നൽകുകയുമായിരുന്നു. പെൺകുട്ടിയുടെ മൊഴിയുടെ അടിസ്ഥാനത്തിൽ അഷ്റഫിനെ പോലീസ് അറസ്റ്റ് ചെയ്തു. ബലാത്സംഗം, തട്ടിക്കൊണ്ടുപോകൽ എന്നീ കുറ്റങ്ങൾ ചുമത്തിയാണ് അറസ്റ്റ്. സംഭവത്തിൽ കൂടുതൽ അന്വേഷണം നടന്നുവരികയാണെന്ന് പോലീസ് പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)