 "Murder: അട്ടപ്പാടിയിൽ ഇതര സംസ്ഥാന തൊഴിലാളി കൊല്ലപ്പെട്ടു; മൃതദേഹം തല അറുത്തുമാറ്റിയ നിലയിൽ")
)
പാലക്കാട്: അട്ടപ്പാടി കണ്ടിയൂരില് ഇതര സംസ്ഥാന തൊഴിലാളികള് തമ്മിലുണ്ടായ സംഘര്ഷത്തില് ഒരാള് കൊല്ലപ്പെട്ടതായി റിപ്പോർട്ട്. മരിച്ചത് ജാര്ഖണ്ഡ് സ്വദേശി രവിയാണ്. ഇയാൾക്ക് 35 വയസായിരുന്നു. തല അറുത്ത് മാറ്റിയ നിലയിലാണ് മൃതദേഹം കണ്ടെത്തിയതെന്നാണ് റിപ്പോർട്ട്.
അസം സ്വദേശിയായ നൂറുള് ഇസ്ലാമാണ് സുഹൃത്തിനെ കൊലപ്പെടുത്തിയതെന്നാണ് പോലീസ് കണ്ടെത്തിയിക്കുന്നത്. ഇരുവരും ഒരു ഫാമില് ആടിനെ പരിപാലിക്കുന്ന ജോലിയാണ് ചെയ്യുന്നത്. ഫാം സ്ഥിതി ചെയ്യുന്നത് വനാതിര്ത്തിയോട് ചേര്ന്ന പ്രദേശത്താണ്. സംഭവത്തിന് ശേഷം പ്രതിയായ നൂറുളിനേയും ഭാര്യയേയും കാണാനില്ലെന്നാണ് വിവരം. സംഭവത്തെ തുടർന്ന് അഗളി പോലീസ് അന്വേഷണം ആരംഭിച്ചിട്ടുണ്ട്.
പ്രതിയുടേയും ഭാര്യയുടേയും മൊബൈല് ഫോണുകള് നിലവിൽ സ്വിച്ച് ഓഫ് ചെയ്തിരിക്കുകയാണ് എന്നാണ് വിവരം. ഇരുവരും വനത്തിലൂടെ രക്ഷപ്പെട്ടതാകാം എന്നാണ് പോലീസ് നിഗമനം. കൊലപാതകത്തിന്റെ കാരണമെന്തെന്ന് വ്യക്തമല്ല. മരിച്ച രവിയുടെ മൃതദേഹം അഗളിയിലെ ആശുപത്രിയിലേക്ക് മാറ്റിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
