 "Uttar Pradesh News: ചികിത്സയിലുള്ള പതിമൂന്നുകാരിയെ പീഡിപ്പിച്ച യുവാവ് പിടിയിൽ")
ഉത്തർപ്രദേശ്: മീററ്റിൽ ചികിത്സയിൽ കഴിഞ്ഞിരുന്ന പതിമൂന്നുകാരി പീഡനത്തിനിരയായതായി റിപ്പോർട്ട്. സംഭവത്തിൽ മറ്റൊരു രോഗിയോടൊപ്പം കൂട്ടിരിപ്പിനെത്തിയ രോഹിത്ത് എന്ന യുവാവ് പിടിയിൽ.
സംഭവം നടന്നത് മീററ്റിലെ ലാലാ ലാജ്പത് റായ് മെഡിക്കൽ കോളേജിലായിരുന്നു. മെഡിക്കൽ കോളേജിലെ ഓര്ത്തോ വിഭാഗത്തിൽ ചികിത്സയിലായിരുന്ന പെൺകുട്ടിയെ ബാത്ത്റൂമിൽ വെച്ചായിരുന്നു പീഡിപ്പിച്ചത്.
കേസിനാസ്പദമായ സംഭവം നടന്നത് ഞായറാഴ്ച പുലര്ച്ചെ ഒരുമണിക്കാണ്. പ്രതി ബാത്ത്റൂമിലേക്ക് പോയ പെൺകുട്ടിയെ പിന്തുടർന്ന് എത്തി പീഡിപ്പിക്കുകയായിരുന്നു എന്നാണ് റിപ്പോർട്ട്. സംഭവത്തിനു ശേഷം രാവിലെ സ്ഥലത്തു നിന്നും രക്ഷപ്പെടാൻ ശ്രമിച്ച പ്രതിയെ പോലീസ് പിടികൂടുകയായിരുന്നു. പെൺക്കുട്ടിക്കൊപ്പം അമ്മയാണ് ഉണ്ടായിരുന്നത്. സംഭവം നടക്കുമ്പോൾ പെൺകുട്ടിയുടെ കൂടെയുണ്ടായിരുന്ന അമ്മ ഉറങ്ങുകയായിരുന്നു.
സംഭവത്തിൽ അന്വേഷണത്തിന് ഉത്തരവിട്ടതായും ഇത്തരം കാര്യങ്ങള് ആവര്ത്തിക്കാതിരിക്കാനുള്ള ശക്തമായ നടപടി സ്വീകരിക്കുമെന്നും മെഡിക്കൽ കോളേജ് ആശുപത്രി പ്രിന്സിപ്പിൽ അറിയിച്ചു. ആശുപത്രിയിലെ സുരക്ഷയ്ക്കായി 42 വാര്ഡുകളിലും മൂന്നു ഷിഫ്റ്റുകളിലുമായി വിമുക്ത ഭടന്മാരെ നിയമിച്ചിട്ടുണ്ടെന്നും രോഗിയെ കാണാനെത്തുന്നവരെയടക്കം പരിശോധിച്ച ശേഷമാണ് കടത്തി വിടാറുള്ളതെന്നും അദ്ദേഹം പറഞ്ഞു.
പീഡനത്തിനിരയായത് ദളിത് പെണ്കുട്ടിയാനിന്നും എഫ്ഐആര് രജിസ്റ്റര് ചെയ്തിട്ടുണ്ടെന്നും മീററ്റ് സിറ്റി എസ്പി അയുഷ് വിക്രം സിങ് അറിയിച്ചു. പോക്സോ വകുപ്പ് പ്രകാരവും എസ് സി, എസ്ടി അതിക്രമം തടയൽ നിയമ പ്രകാരവും ബിഎൻഎസ് സെക്ഷൻ 65-1 പ്രകാരവുമാണ് കേസെടുത്തിരിക്കുന്നത്. കേസെടുത്തത് പെണ്കുട്ടിയുടെ അമ്മയുടെ പരാതിയുടെ അടിസ്ഥാനത്തിലാണ്. പ്രതിയെ കോടതിയിൽ ഹാജരാക്കി റിമാന്ഡ് ചെയ്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)