 "Ragging Case: വയനാട് പ്ലസ് വണ് വിദ്യാർഥിയെ ക്രൂരമായി മർദ്ദിച്ച് മുതിർന്ന വിദ്യാർഥികൾ; കേസെടുത്ത് പോലീസ്")
വയനാട്: കണിയാമ്പറ്റ ഗവൺമെന്റ് സ്കൂളില് പ്ലസ് വണ് വിദ്യാര്ഥിയെ റാഗ് ചെയ്ത സംഭവത്തില് കമ്പളക്കാട് പൊലീസ് കേസെടുത്തു. അഞ്ച് സീനിയര് വിദ്യാര്ഥികള്ക്കെതിരെയാണ് കേസ്. റാഗിങ് നിരോധന നിയമം ഉള്പ്പെടെ ചുമത്തിയാണ് കേസ്. ബുധനാഴ്ച വൈകുന്നേരം ആണ് സംഭവം ഉണ്ടായത്.
വൈത്തിരി പുതുശ്ശേരി വീട്ടില് ഷയാസിനെ മീശ വടിക്കാത്തത് ചോദ്യം ചെയ്ത സീനിയർ വിദ്യാർത്ഥികൾ ഭീഷണിപ്പെടുത്തുകയും മർദ്ദിക്കുകയും ചെയ്തുവെന്നാണ് പരാതി. സാരമായി പരിക്കേറ്റ ഷിയാസ് താലൂക്ക് ആശുപത്രിയില് ചികിത്സയിലാണ്. കഴിഞ്ഞ തിങ്കളാഴ്ചയാണ് കണിയാമ്പറ്റ ഗവൺമെന്റ് സ്കൂളില് സയന്സ് വിഭാഗത്തില് ഷയാസ് പ്രവേശനം നേടിയത്.
ആദ്യ ദിവസം താടിയും മീശയും വടിക്കാന് ആവശ്യപ്പെട്ടു. ഭയം മൂലം താടി വടിച്ചാണ് ക്ലാസില് പോയത്. മീശ വടിക്കാത്തത് ചോദ്യം ചെയ്താണ് പിന്നീട് ഭീഷണിപ്പെടുത്തിയത്. ഷര്ട്ടിന്റെ ബട്ടണ് അഴിച്ചിടാന് ആവശ്യപ്പെട്ട് ഭീഷണിപ്പെടുത്തുകയും ചെയ്തു. ഇതിന് വഴങ്ങാതെ വന്നതോടെയാണ് കൂട്ടം ചേര്ന്ന് മര്ദ്ദിച്ചതെന്ന് ഷയാസ് പറഞ്ഞു.
മര്ദ്ദനത്തില് ഷിയാസിന്റെ നടുവിന് ചവിട്ടേല്ക്കുകയും പിന് കഴുത്തിലും കൈകാലുകളിലും പരിക്കേല്ക്കുകയും ചെയ്തിട്ടുണ്ട്. വിദ്യാർത്ഥിയുടെ പരാതിയിൽ അഞ്ച് സീനിയര് വിദ്യാര്ഥികള്ക്കെതിരെയാണ് കമ്പളക്കാട് പോലീസ് കേസെടുത്തിട്ടുള്ളത്. സംഘം ചേര്ന്ന് മര്ദ്ദിക്കല്, ഭീകരാന്തരീക്ഷം സൃഷ്ടിക്കല് തുടങ്ങിയ വകുപ്പുകളും ചുമത്തിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)