 "Manjeswaram Crime News: കാസർകോട് അമ്മയെ മകൻ പെട്രോളൊഴിച്ച് തീകാെളുത്തി കൊന്നു; അയൽവാസിക്ക് നേരെയും ആക്രമണം")
)
കാസര്കോട്: മഞ്ചേശ്വരത്ത് അമ്മയെ മകൻ പെട്രോളൊഴിച്ച് തീകാെളുത്തി കൊന്നു. വോര്ക്കാട് നലങ്ങി സ്വദേശി ഫില്ഡ (60) ആണ് മകന്റെ ആക്രമണത്തിൽ കൊല്ലപ്പെട്ടത്. പ്രതി മെല്വില് ഒളിവിലാണ്. അമ്മയെ കൊന്ന ശേഷം അയല്വാസി ലൊലിറ്റ (30)യെയും മെൽവിൻ ആക്രമിച്ചുവെന്നാണ് വിവരം. ഇന്ന് പുലര്ച്ചെയാണ് സംഭവം.
സംഭവം നടക്കുമ്പോൾ ഫിൽഡയും മെൽവിനും മാത്രമായിരുന്നു വീട്ടിലുണ്ടായിരുന്നത്. ഉറങ്ങിക്കിടക്കുകയായിരുന്ന ഫിൽഡയുടെ ദേഹത്തേക്ക് പ്രതി പെട്രോളൊഴിച്ച് തീകൊളുത്തുകയായിരുന്നു. തുടർന്ന് അമ്മയ്ക്ക് ശാരീരിക ബുദ്ധിമുട്ടുകള് ഉണ്ടെന്ന് പറഞ്ഞ് അയല്വാസിയും ബന്ധുവുമായ ലൊലിറ്റയെ വീട്ടിലേക്ക് വിളിച്ചുവരുത്തി. ഇവരുടെ ശരീരത്തിലും പെട്രോള് ഒഴിച്ച് തീകൊളുത്താന് ശ്രമിച്ചു. എന്നാൽ ശബ്ദം കേട്ടെത്തിയ നാട്ടുകാർ ലൊലിറ്റയെ ആശുപത്രിയില് എത്തിച്ചു.
സംഭവ സ്ഥലത്ത് നിന്നും ഓടി രക്ഷപ്പെട്ട പ്രതി നിലവിൽ ഒളിവിലാണ്. സ്ഥിരമായി മദ്യപിക്കുന്നയാളാണ് മെൽവിൻ. കൊലപാതകത്തിലേക്ക് നയിച്ച കാരണമെന്താണെന്ന് വ്യക്തമല്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
