Govindachamy Prison Break: സൗമ്യ വധക്കേസ് പ്രതി ​ഗോവിന്ദച്ചാമി ജയിൽ ചാടി; ജയിൽ ചാടിയത് കൊടും കുറ്റവാളി, ഗുരുതര സുരക്ഷാ വീഴ്ച

കണ്ണൂർ: സൗമ്യ കൊലക്കേസ് പ്രതി ​ഗോവിന്ദച്ചാമി ജയിൽ ചാടി. കണ്ണൂർ സെൻട്രൽ ജയിലിൽ നിന്നാണ് കൊടും ക്രിമിനൽ ​ഗോവിന്ദച്ചാമി രക്ഷപ്പെട്ടത്. പോലീസ് വ്യാപക പരിശോധന ആരംഭിച്ചു. ഇയാൾ രക്ഷപ്പെട്ട് കുറേ സമയത്തിന് ശേഷമാണ് അറിഞ്ഞതെന്നാണ് വിവരം. വ്യാഴാഴ്ച രാവിലെയാണ് ​ഗോവിന്ദച്ചാമി ജയിൽ ചാടിയതായി അധികൃതർ അറിഞ്ഞത്. ജയിലിൽ എല്ലാ ദിവസവും നടത്തുന്ന പരിശോധയിലാണ് ​ഗോവിന്ദച്ചാമിയുടെ സെല്ലിൽ അയാൾ ഇല്ലെന്ന് മനസ്സിലായത്.

അതീവ സുരക്ഷാ സെല്ലിൽ കഴിയുന്ന ​ഗോവിന്ദച്ചാമി എങ്ങനെ ജയിൽ ചാടി എന്നത് സംബന്ധിച്ച് അധികൃതർ ഇതുവരെ വ്യക്തമാക്കിയിട്ടില്ല. അതീവ സുരക്ഷയുള്ള കണ്ണൂർ സെൻട്രൽ ജയിലിലെ വൻ സുരക്ഷ മറികടന്ന് ​ഗോവിന്ദച്ചാമി എങ്ങനെ ജയിൽചാടിയെന്ന് വ്യക്തമല്ല. എസിപി ഉൾപ്പെടെയുള്ള ഉന്നത പോലീസ് ഉദ്യോ​ഗസ്ഥർ എത്തിയതായാണ് വിവരം. അതീവ സുരക്ഷാ ജയിലിൽ നിന്ന് ​ഗോവിന്ദച്ചാമി എങ്ങനെ രക്ഷപ്പെട്ടുവെന്നത് ചോദ്യമായി തുടരുകയാണ്.

2011 ഫെബ്രുവരി ഒന്നിനാണ് കേരളത്തെ ഞെട്ടിച്ച ബലാത്സം​ഗവും അരുംകൊലയും നടന്നത്. ട്രെയിൻ യാത്രയ്ക്കിടെയാണ് സൗമ്യയെ ആക്രമിച്ച് മാനഭം​ഗപ്പെടുത്തി കൊലപ്പെടുത്തിയത്. ബലാത്സം​ഗം, കൊലപാതകം ഉൾപ്പെടെയുള്ള കുറ്റങ്ങൾ ചുമത്തിയാണ് ​ഗോവിന്ദച്ചാമിയെ അറസ്റ്റ് ചെയ്തത്. വലിയ നിയമപോരാട്ടങ്ങൾക്കൊടുവിൽ വധശിക്ഷ വിധിച്ചെങ്കിലും സുപ്രീംകോടതി കൊലക്കുറ്റം നിലനിൽക്കില്ലെന്ന് കണ്ടെത്തി വധശിക്ഷ റദ്ദാക്കിയിരുന്നു. ​ഗോവിന്ദച്ചാമിയുടെ ചിത്രം പുറത്ത് വിട്ട് ഇയാളെക്കുറിച്ച് വിവരം ലഭിക്കുന്നവർ അറിയിക്കണമെന്ന് പോലീസ് അറിയിച്ചിട്ടുണ്ട്. ഫോൺ- 9446899506.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.