 "Impersonation: ആൾമാറാട്ടം; പ്ലസ് വണ് ഇംപ്രൂവ്മെന്റ് പരീക്ഷക്ക് എത്തിയത് ബിരുദ വിദ്യാർഥി; അറസ്റ്റ്")
കോഴിക്കോട്: പ്ലസ് വണ് ഇംപ്രൂവ്മെന്റ് പരീക്ഷക്ക് എത്തിയത് ബിരുദ വിദ്യാര്ത്ഥി. നാദാപുരത്ത് പ്ലസ് വണ് ഇംപ്രൂവ്മെന്റ് പരീക്ഷക്കിടെ ആള്മാറാട്ടം നടത്തിയ വിദ്യാര്ത്ഥി അറസ്റ്റിലായി. മുചുകുന്ന് സ്വദേശി മുഹമ്മദ് ഇസ്മായിലാണ് അറസ്റ്റിലായത്. പ്ലസ് വണ് വിദ്യാര്ത്ഥിക്ക് പകരമാണ് ബിരുദ വിദ്യാര്ത്ഥിയായ കെ മുഹമ്മദ് ഇസ്മയില് പ്ലസ് വണ് ഇംഗ്ലീഷ് പരീക്ഷ എഴുതിയത്.
കടമേരി ആര്.ഇ.സി ഹയര് സെക്കന്ററി സ്കൂളില് നടന്ന പരീക്ഷക്കിടെയായിരുന്നു ആൾമാറാട്ടം. ഡ്യൂട്ടിയിലുണ്ടായിരുന്ന അധ്യാപകന് സംശയം തോന്നി ഇയാളെ ചോദ്യം ചെയ്തപ്പോഴാണ് ആള്മാറാട്ടം കൈയ്യോടെ പിടികൂടിയത്. പ്രിന്സിപ്പലിന്റെ പരാതിയെത്തുടര്ന്ന് പൊലീസ് എത്തി മുഹമ്മദ് ഇസ്മയിലനെ അറസ്റ്റ് ചെയ്യുകയായിരുന്നു.
ഹോള് ടിക്കറ്റില് കൃത്രിമം നടത്തിയാണ് വിദ്യാര്ത്ഥി ആള്മാറാട്ടത്തിന് ശ്രമിച്ചതെന്ന് പോലീസ് പറഞ്ഞു. വഞ്ചന, വ്യാജരേഖ ചമക്കല് തുടങ്ങിയ വകുപ്പുകള് ചുമത്തിയാണ് പൊലീസ് മുഹമ്മദ് ഇസ്മയിലിനെതിരെ കേസെടുത്തിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
