Wrestler Sushil Kumar ഗുസ്തി താരത്തെ വടി കൊണ്ട് മർദിക്കുന്ന ദൃശ്യങ്ങൾ പുറത്ത് [VIDEO]

New Delhi : ഗുസ്തിതാരത്തെ കൊലപ്പെടുത്തിയ കേസിൽ (Chhatrasal Stadium Murder Case) ഡൽഹി പൊലീസ് (Delhi Police) കസ്റ്റഡിയിലുള്ള ഒളിമ്പിക് മെഡൽ ജേതാവ് സുശീൽ കുമാർ (Sushil Kumar) കൊലാപാതകത്തിന് ഇരയായ യുവാവിനെ വടി കൊണ്ട് മർദിക്കുന്ന വീഡിയോ പുറത്ത് വന്നു. 23 കാരനായി സാഗർ റാണയെന്ന ഗുസ്തിതാരത്തെ കൊലപ്പെടുത്തിയ കേസിലാണ് സുശീൽ കുമാറിനെ ഡൽഹി പൊലീസ് അറസ്റ്റ് ചെയ്തിരിക്കുന്നത്.

ഈ കേസിൽ കൊല്ലപ്പെട്ട സാഗാർ റാണയെ റോഡിലിട്ട് മറ്റുള്ളവരുടെ മുന്നിൽ വെച്ച് അടിക്കുന്ന ചിത്രങ്ങളാണ് ഇപ്പോൾ സമൂഹമാധ്യമങ്ങളെല്ലാം വൈറലാകുന്നത്. തെളിച്ചമില്ലത്ത ചിത്രത്തിൽ സുശീലും തന്റെ കൂട്ടാളികളും ചേർന്നാണ് യുവാവിനെ മർദിക്കുന്നത്.

ലഭിക്കുന്ന റിപ്പോർട്ടുകൾ പ്രകാരം മെയ് നാലിനെ അഞ്ചിനെ രാത്രിയിൽ ഡൽഹിയിൽ വെച്ച് നടന്ന സംഭവം എന്ന പേരിലാണ്. അതിന് ശേഷം യുവാവിനെ സുശീൽ കുമാറും സംഘവും ചേർന്ന ഡൽഹി ഛത്രസാൽ സ്റ്റേഡിയത്തിൽ വെച്ച് ക്രൂരമായി തല്ലി അവശനാക്കി കൊല്ലുകയായിരുന്നു എന്നാണ് പൊലീസ് നൽകുന്ന വിവരം.

സംഭവത്തിൽ സുശീൽ കുമാറിനെതിരെ ഡൽഹി പൊലീസ് എഫഐആർ രേഖപ്പെടുത്തുകയും ചെയ്തു. ആദ്യ കുറ്റം പ്രതിയായ സുശീൽ കുറ്റം നിഷേധിക്കുകയായിരുന്നു. സംഭവം നടന്ന് രണ്ടാഴ്ചയ്ക്ക് ശേഷമാണ് ഡൽഹി പൊലീസ് ഹരിയാനയിൽ സുശീലിനെ പിടികൂടുന്നത്. 

ഇന്ത്യക്കായി രണ്ട് ഒളിമ്പിക്സുകളിൽ നിന്ന് രണ്ട് ഗുസ്തിയിൽ രണ്ട് മെഡലുകൾ നേടിയ താരമാണ് സുശീൽ. 2008ൽ ബെയ്ജിങ് ഒളിമ്പിക്സിൽ വെങ്കലവും 2012 ലണ്ടൺ ഒളിമ്പിക്സിൽ വെള്ളിയുമാണ് താരം ഇന്ത്യക്കായി കരസ്ഥമാക്കിയത്. 

സുശീൽ കുമാറിനെ കൂടാതെ ഈ കേസിൽ നാല് പേരെയും കൂടി ഡൽഹി പൊലീസ് അറസ്റ്റ് ചെയ്തിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്....  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy