Mirder Case: നാഗർകോവിലിൽ തയ്യൽ കടക്കാരനെ കുത്തിക്കൊലപ്പെടുത്തിയ പ്രതി പിടിയിൽ

Crime News: ചെവിക്ക് പിന്നിലെ ആഴത്തിൽ ഏറ്റ മുറിവ് കാരണം ഗുരുതരമായി പരിക്കേറ്റ സെൽവം സംഭവ സ്ഥലത്തു വെച്ചുതന്നെ മരിക്കുകയായിരുന്നു.

തൂത്തുക്കുടി: നാഗർകോവിലിൽ തയ്യൽ കടക്കാരനെ കുത്തിക്കൊലപ്പെടുത്തിയ പ്രതി അറസ്റ്റിൽ. തൂത്തുക്കുടി സേതുങ്കനല്ലൂരിനടത്തുള്ള കോവിൽ പാട്ടു സ്വദേശി ചന്ദ്രമണിനെയാണ് വടശ്ശേരി പോലീസ് പിടികൂടിയത്. 

Add Zee News as a Preferred Source

കൊല്ലപ്പെട്ടത് നാഗർകോവിൽ  അണ്ണാനഗർ സ്വദേശി സെൽവം ആണ്. നാഗർകോവിൽ വനിതാ ക്രിസ്ത്യൻ കോളേജ് റോഡിൽ തയ്യൽക്കട നടത്തുകൈയിരുന്നു സെൽവം. പിടിയിലായ പ്രതി ചന്ദ്രമണി നാഗർകോവിലിനടുത്തുള്ള ഒരു  ഹോട്ടലിലെ ജീവനക്കാരനാണ്.  ഇന്നലെ വൈകുന്നേരം   ചന്ദ്രമണി ഒരു ജോഡി പാൻ്റ്സ് തുണി തയ്ക്കുവാൻ  സെൽവത്തിൻ്റെ കടയിൽ എത്തിയിരുന്നു. 

തുണിയെ സെൽവത്തിനെ ഏൽപ്പിച്ചശേഷം  പോയിട്ട് വരാമെന്ന് പറഞ്ഞ് ചന്ദ്രമണി അവിടെ നിന്ന് മടങ്ങി. ശേഷം ഏകദേശം  7 മണിയോടെ സെൽവത്തിൻ്റെ കടയിൽ വീണ്ടും ചന്ദ്രമണി തിരിച്ചെത്തി. തുടർന്ന് തൻ്റെ തുണി ചന്ദ്രമണി സെൽവത്തിനോട് നൽകുവാൻ ആവശ്യപ്പെടും അതിനെ തടുർന്ന് തുന്നിയ തുണി നൽകിയെങ്കിലും സെൽവം തുന്നിയത് ശരിയായില്ലെന്ന് പറഞ്ഞ് ഇരുവരും തമ്മിൽ വാക്കേറ്റമായി. തുടർന്ന് വാക്കേറ്റം കയ്യാങ്കളിലേക്ക് കടക്കുകയായിരുന്നു.

ഇതിനിടയിൽ ചന്ദ്രമണി അവിടെ ഉണ്ടായിരുന്ന കത്രിക എടുത്ത് സെൽവത്തിൻ്റെ ചെവിക്ക്  കുത്തി പരിക്കേൽപ്പിക്കുകയായിരുന്നു എന്ന് വടശ്ശേരി പോലീസ് പറഞ്ഞു. തുടർന്ന് പ്രതിയായ ചന്ദ്രമണി സംഭവ സ്ഥലത്ത് നിന്ന് കടന്നു കളഞ്ഞു. ചെവിക്ക് പിന്നിലെ ആഴത്തിൽ ഏറ്റ മുറിവ് കാരണം ഗുരുതരമായി പരിക്കേറ്റ സെൽവം സംഭവ സ്ഥലത്തു വെച്ചുതന്നെ മരിക്കുകയായിരുന്നു. തുടർന്ന് വടശ്ശേരി പോലീസ് പ്രതിയെ ചെന്നൈയിലെ ഒരു ഹോട്ടലിൽ നിന്നും പിടികൂടുകയായിരുന്നു.  പിടികൂടിയ പ്രതിയെ നാഗർകോവിൽ കോടതിയിൽ ഹാജരാക്കി റിമാൻഡ് ചെയ്തു.