 "Crime News: വിവാഹ വാഗ്ദാനം നൽകി യുവതിയെ ഗർഭിണിയാക്കിയ കേസിലെ പ്രതി പിടിയിൽ; സംഭവം തിരുവനന്തപുരത്ത്!")
തിരുവനന്തപുരം: വിവാഹ വാഗ്ദാനം നൽകി യുവതിയെ പീഡിപ്പിച്ച് ഗർഭിണിയാക്കിയ കേസിലെ പ്രതി പിടിയിൽ. കഴക്കൂട്ടം മൺവിള പൂവാലിയിൽ വീട്ടിൽ അനൂജിനെയാണ് തുമ്പ പോലീസ് അറസ്റ്റ് ചെയ്തത്.
പീഡനത്തിന് ഇരയായ യുവതി കഴിഞ്ഞ ദിവസമാണ് അനൂജിനെതിരെ തുമ്പ പോലീസിൽ പരാതി നൽകിയത്. വിദേശത്തായിരുന്ന പ്രതിയുടെ വിവാഹം കുറച്ചുനാൾ മുൻപാണ് നടന്നത്. പക്ഷെ ഇക്കാര്യം മറച്ചു വെച്ചാണ് അനൂജ് പരാതിക്കാരിയായ യുവതിയുമായി അടുക്കുന്നതും. പിന്നീട് ഇയാൾ വിവാഹ വാഗ്ദാനം നൽകി യുവതിയെ പീഡിപ്പിക്കുകയായിരുന്നു എന്നാണ് പരാതി.
പെൺകുട്ടി വിവാഹകാര്യം അനൂജിനോട് പറഞ്ഞതോടെ ഒഴിഞ്ഞു മാറി. ഇതോടെ ചതി മനസിലാക്കിയ യുവതി തുമ്പ പോലീസിൽ പരാതി നൽകുകയായിരുന്നു. പരാതിയുടെ അടിസ്ഥാനത്തിൽ അന്വേഷണം ആരംഭിച്ച തുമ്പ പോലീസ് കഴക്കൂട്ടത്ത് വച്ച് പ്രതിയെ അറസ്റ്റ് ചെയ്യുകയായിരുന്നു. അനൂജിനെ കോടതിയിൽ ഹാജരാക്കി റിമാൻഡ് ചെയ്തു.
കല്യാണി ഇനി വരില്ല; മൂന്ന് വയസ്സുകാരിയെ പുഴയിലെറിഞ്ഞു കൊലപ്പെടുത്തിയ അമ്മയ്ക്കെതിരെ കൊലക്കുറ്റം
മൂഴിക്കുളം: കാണാതായ മൂന്ന് വയസുകാരിയുടെ മൃതദേഹം കണ്ടെത്തി. മണിക്കൂറുകൾ നീണ്ട തിരച്ചിലിന് ഒടുവിലാണ് മുങ്ങൽ വിദഗ്ധർ കല്യാണിയുടെ മൃതദേഹം ചാലക്കുടി പുഴയിൽ നിന്ന് കണ്ടെത്തിയത്. അംഗനവാടിയിൽ നിന്ന് കുട്ടിയെ വിളിച്ചു കൊണ്ടുവരുന്നതിനിടെ അമ്മ കുട്ടിയെ പുഴയിലേക്ക് എറിഞ്ഞുവെന്നാണ് കേസ്.
വിഷയത്തിൽ അമ്മയ്ക്കെതിരെ പോലീസ് കൊലക്കുറ്റം ചുമത്തുമെന്നാണ് റിപ്പോർട്ട്. നിലവിൽ കുട്ടിയുടെ അമ്മ പോലീസ് കസ്റ്റഡിയിലാണ്. അവരുടെ അറസ്റ്റ് ഇന്ന് രേഖപ്പെടുത്തുമെന്നാണ് റിപ്പോർട്ട്. അറസ്റ്റു രേഖപ്പെടുത്തിയ ശേഷം ഇന്ന് യുവതിയെ സംഭവ സ്ഥലത്ത് കൊണ്ടുവന്ന് തെളിവെടുപ്പ് നടത്തും.
കല്യാണിയുടെ കൊലപാതവുമായി ബന്ധപ്പെട്ട യുവതിയെ പോലീസ് വിശദമായി ചോദ്യം ചെയ്യുകയാണ്. കുഞ്ഞിനെ കൊല്ലാനുണ്ടായ കാരണം അടക്കമുള്ളവ കണ്ടെത്താനുള്ള ശ്രമത്തിലാണ് പോലീസ്. കുട്ടിയുടെ മൃതദേഹം പോസ്റ്റുമോർട്ടത്തിനായി അങ്കമാലി താലൂക്ക് ആശുപത്രിയിലേക്ക് മാറ്റിയിട്ടുണ്ട്. ഇതിനിടയിൽ കുട്ടിയെ അപായപ്പെടുത്താൻ അമ്മ നേരത്തെയും ശ്രമിച്ചിരുന്നതായി കുട്ടിയുടെ പിതാവിന്റെ കുടുംബം ആരോപിച്ചിട്ടുണ്ട്. കുടുംബപ്രശ്നത്തെ തുടർന്ന് യുവതി കുട്ടിയെ പലതവണ അപായപ്പെടുത്താൻ ശ്രമിച്ചെന്നാണ് പോലിസിന് മൊഴി നൽകിയിരിക്കുന്നത്. മരിച്ച കല്യാണിയുടെ അമ്മ ഭർതൃവീട്ടിൽ പീഡനം അനുഭവിച്ചതായിൽ യുവതിയുടെ ബന്ധുക്കളും പറയുന്നുണ്ട്. ഇതിനെ തുടർന്ന് ഭർത്താവിന്റെ വീട്ടിൽ നിന്നും കുട്ടിയുടെ മാറി നിൽക്കുകയായിരുന്നു എന്നും ബന്ധുക്കൾ പറയുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)