 "Vadakara Drishana Accident Case: വടകരയിൽ കാറിടിച്ച് 9 വയസുകാരി കോമയിൽ ആയ സംഭവം; പ്രതി കോയമ്പത്തൂരിൽ പിടിയിൽ")
കോഴിക്കോട്: വടകരയില് ഒമ്പത് വയസുകാരി ദൃഷാനയെ കാറിടിച്ച് കോമയില് ആയ സംഭവത്തില് പ്രതി പിടിയില്. പുറമേരി സ്വദേശി ഷെജീലിനെ കോയമ്പത്തൂര് വിമാനത്താവളത്തില് വെച്ചാണ് പിടികൂടിയത്. ലുക്ക് ഔട്ട് സർക്കുലർ നിലവിലുള്ളതിനാൽ ഇയാളെ എയർപോർട്ടിൽ വച്ചു പിടികൂടുകയായിരുന്നു.
പ്രതിയെ ഉടൻ വടകരയിലെ അന്വേഷണ സംഘത്തിന് കൈമാറും. അപകടത്തിന് പിന്നാലെ പ്രതി വിദേശത്തേക്ക് കടക്കുകയായിരുന്നു. 2024 ഫെബ്രുവരി 17 നായിരുന്നു കേസിനാസ്പദമായ സംഭവം നടന്നത്. പെണ്കുട്ടിക്കൊപ്പം അപകടത്തില് പരിക്കേറ്റ മുത്തശ്ശി ബേബി മരിച്ചിരുന്നു. ശേഷം മാര്ച്ച് 14 നായിരുന്നു പ്രതി വിദേശത്തേക്ക് കടന്നത്.
ബന്ധുവീട്ടിലേക്ക് പോകുന്നതിനായി ബസ്സിറങ്ങി റോഡ് മുറിച്ചുകടക്കുന്നതിനിടെയാണ് വടകരയ്ക്ക് സമീപം ചോറോട് വെച്ച് കുട്ടിയേയും അമ്മൂമ്മയേയും കാര് ഇടിച്ചത്. അപകടത്തിന് ശേഷം ഇടിച്ച കാര് നിര്ത്താതെ പോവുകയായിരുന്നു.
ഈ പകടം നടക്കുമ്പോൾ ഷെജീലിന്റെ കുടുംബവും കാറില് ഉണ്ടായിരുന്നു. പിന്സീറ്റില് ആയിരുന്നു കുട്ടികള്. അവര് മുന്പിലേക്ക് ഇരിക്കണമെന്ന് വാശി പിടിച്ചു. ആ സംഭാഷണത്തിലേക്ക് ശ്രദ്ധ പോയ സമയത്തായിരുന്നു അപകടം ഉണ്ടായതെന്നാണ് അന്ന് പോലീസ് പറഞ്ഞത്. അപകടം നടന്ന് പത്ത് മാസത്തിന് ശേഷമാണ് കാര് കണ്ടെത്തുന്നത്. മനപൂര്വ്വമല്ലാത്ത നരഹത്യക്ക് പുറമെ വ്യാജതെളിവ് ഉണ്ടാക്കി ഇന്ഷൂറന്സ് തുക തട്ടിയെന്ന കേസും ഷെജീലിനെതിരെയുണ്ട്.
കാര് മതിലില് ഇടിച്ചെന്ന് വരുത്തിയാണ് പ്രതി ഇന്ഷുറന്സ് ക്ലെയിമിന് ശ്രമിച്ചത്. ഇതാണ് അന്വേഷണത്തിന് വഴിത്തിരിവായത്. അപകടത്തിന് ശേഷം വാഹനത്തിന് രൂപമാറ്റം വരുത്തിയെന്നും പോലീസ് കണ്ടെത്തിയിരുന്നു. കോഴിക്കോട് മെഡിക്കൽ കോളേജിൽ ഒമ്പത് മാസമായി കോമ അവസ്ഥയിൽ തുടരുകയാണ് ദൃഷാന.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)