Venjaramoodu Mass Murder Case: വെഞ്ഞാറമൂട് കൂട്ടക്കൊലപാതകം; മൂന്നാം ഘട്ട തെളിവെടുപ്പിനായി അഫാനെ വീട്ടിലെത്തിച്ചു

Venjaramoodu Mass Murder Case Updates: ഫെബ്രുവരി 24 നായിരുന്നു അഫാൻ പിതൃമാതാവ്, പിതൃസഹോദരൻ, ഭാര്യ, സഹോദരൻ, പെൺസുഹൃത്ത് എന്നിവരെ നിഷ്‌കരുണം കൊലപ്പെടുത്തിയത്.

തിരുവനന്തപുരം: വെഞ്ഞാറമൂട് കൂട്ടക്കൊലപാതക കേസിലെ പ്രതി അഫാനെ പോലീസ് തെളിവെടുപ്പിനെത്തിച്ചു. പ്രതിയുടെ പേരുമലയിലെ വീട്ടിലാണ് പോലീസ് അഫാനുമായി തെളിവെടുപ്പ് നടത്തുന്നത്. അനുജൻ അഹ്സാൻ, പെൺസുഹൃത്ത് ഫർസാന എന്നിവരെ കൊലപ്പെടുത്തിയ കേസിലാണ് അഫാനെ കസ്റ്റഡിയിൽ വാങ്ങിയിരിക്കുന്നത്. 

Add Zee News as a Preferred Source

മൂന്ന് ദിവസത്തേക്കാണ് പോലീസ് അഫാനെ കസ്റ്റഡിയിൽ വാങ്ങിയിരിക്കുന്നത്.  നെടുമങ്ങാട് കോടതിയാണ് അഫാനെ കസ്റ്റഡിയിൽ വിട്ടത്. നേരത്തെ പാങ്ങോട്, കിളിമാനൂർ പോലീസ് അഫാനെ കസ്റ്റഡിയിൽ വാങ്ങി തെളിവെടുപ്പ് പൂർത്തിയാക്കിയിരുന്നു.

ഫെബ്രുവരി 24 നായിരുന്നു നാടിനെ നടുക്കിയ വെഞ്ഞാറമൂട് കൂട്ടക്കൊലപാതകം നടന്നത്. പിതൃമാതാവ് സൽമാ ബീവി, പിതൃസഹോദരൻ ലത്തീഫ്, ഭാര്യ ഷാഹിദ, സഹോദരൻ അഹ്സാൻ, പെൺസുഹൃത്ത് ഫർസാന എന്നിവരെയായിരുന്നു അഫാൻ നിഷ്‌കരുണം കൊലപ്പെടുത്തിയത്.

രാവിലെ പത്തിനും ആറിനുമിടയിലായിരുന്നു ഈ അഞ്ച് കൊലപാതകങ്ങളും നടന്നത്. തുടർന്ന് മാതാവ് ഷെമിയെ ആക്രമിച്ചപ്പോൾ മരിച്ചെന്ന് കരുതിയ അഫാൻ എലിവിഷം കഴിച്ചതിന് ശേഷമാണ് പോലീസിൽ കീഴടങ്ങിയത്. ഇതിനിടയിൽ പരിക്കേറ്റ് ചികിത്സയിൽ കഴിഞ്ഞിരുന്ന അഫാൻ്റെ മാതാവ് ഷെമി നിലവിൽ അഗതി മന്ദിരത്തിലാണ്.