 "Cinema Negative Review: പണം നൽകിയില്ലെങ്കിൽ നെഗറ്റീവ് റിവ്യൂ! പരാതിയുമായി 'വ്യസനമസമേതം ബന്ധുമിത്രാദികൾ' നിർമാതാവ്")
)
അനശ്വര രാജനും ബൈജു സന്തോഷും കേന്ദ്രകഥാപാത്രങ്ങളെ അവതരിപ്പിക്കുന്ന ‘വ്യാസനസമേതം ബന്ധുമിത്രാദികൾ’ എന്ന ചിത്രത്തിനെതിരെ മന:പൂർവമായ നെഗറ്റീവ് പ്രചാരണം നടക്കുന്നുവെന്നാരോപിച്ച് നിർമ്മാതാവ് വിപിൻ ദാസ് രംഗത്ത്. പണം നൽകിയാൽ അനുകൂല റിവ്യൂ ഇടാം എന്ന് പറഞ്ഞ് ചിലർ സമീപിച്ചതായി വിപിൻ പരാതിയിൽ പറയുമ്മു. ഇത് നിഷേധിച്ചതിനാൽ ചിത്രത്തെ ലക്ഷ്യംവച്ച് നെഗറ്റീവ് റിവ്യൂ പ്രചരിപ്പിക്കുകയാണെന്നും വിപിൻ ആരോപിച്ചു.
ഒരു തിരുവനന്തപുരം സ്വദേശിയാണ് പണം നൽകിയാൽ നല്ല റിവ്യൂ, ഇല്ലെങ്കിൽ മോശം റിവ്യൂ ഇടും എന്ന നിലപാടോടെ ഭീഷണിപ്പെടുത്തിയതെന്ന് വിപിൻ പറയുന്നുണ്ട്. അതിനുശേഷം അദ്ദേഹത്തിന്റെ ഓൺലൈൻ മീഡിയാ ടീം സിനിമാ ടീമിനെ സമീപിച്ചതായും വിപിൻ വ്യക്തമാക്കുന്നു. ചിത്രത്തെക്കുറിച്ച് സോഷ്യൽ മീഡിയയിലടക്കം അനേകം നല്ല പ്രതികരണങ്ങൾ വരുന്നതായും, അതെല്ലാം അവഗണിച്ച് ചിലർ ഉദ്ദേശപൂർവമായി നെഗറ്റീവ് അഭിപ്രായങ്ങൾ മാത്രമാണ് പ്രചരിപ്പിക്കുന്നതെന്നും അദ്ദേഹം പറഞ്ഞു.
ചിത്രത്തിനെതിരെ ഗൂഡാലോചന നടക്കുന്നതായും ആരോപിക്കുന്ന വിപിൻ, പാലാരിവട്ടം പോലീസ് സ്റ്റേഷനിലും ഫെഫ്കയിലും ഫിലിം പ്രൊഡ്യൂസേഴ്സ് അസോസിയേഷനിലും പരാതി നൽകിയിട്ടുണ്ട്.
കഴിഞ്ഞ വെള്ളിയാഴ്ചയാണ് ‘വ്യാസനസമേതം ബന്ധുമിത്രാദികൾ’ തിയേറ്ററുകളിൽ റിലീസ് ചെയ്തത്. അനശ്വര രാജൻ, മല്ലിക സുകുമാരൻ, സിജു സണ്ണി, ബൈജു സന്തോഷ്, ജോമോൻ ജോതിർ എന്നിവരാണ് പ്രധാനവേഷങ്ങളിൽ. റഹീം അബൂബക്കർ ക്യാമറയും ജോൺകുട്ടി എഡിറ്റിംഗും നിർവഹിച്ചിരിക്കുന്നു. എസ് വിപിൻ ആണ് സിനിമയുടെ രചനയും സംവിധാനവും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
