 "Pocso Case Wayanad: വയനാട് സഹോദരിയെ പീഡിപ്പിച്ച് ഗർഭിണിയാക്കിയ കേസിൽ സഹോദരന് 60 വർഷം തടവും പിഴയും")
)
വയനാട്: സഹോദരിയെ പീഡിപ്പിച്ച് ഗർഭിണിയാക്കിയ കേസിൽ സഹോദരന് 60 വർഷം തടവും പിഴയും ശിക്ഷ വിധിച്ച് പോക്സോ കോടതി. വൈത്തിരി പോലീസ് സ്റ്റേഷൻ പരിധിയിലാണ് സംഭവം. 14 കാരിയായ സഹോദരിയെ പീഡിപ്പിച്ച് ഗർഭിണിയാക്കിയ കേസിൽ പ്രതിക്ക് മൂന്ന് വകുപ്പുകളിലായി 60 വർഷം തടവും ഒരു ലക്ഷം രൂപ പിഴയുമാണ് കോടതി വിധിച്ചിരിക്കുന്നത്. 21 വയസ്സുകാരനായ പ്രതി പല തവണ പെൺകുട്ടിയെ പീഡിപ്പിച്ചുവെന്നാണ് കേസ്.
പോക്സോ വകുപ്പ് (6) (1 ) 5 എൽ, 5. എൻ, 6 ജെ. (II) വകപ്പുകൾ പ്രകാരമാണ് ശിക്ഷ വിധിച്ചിരിക്കുന്നത്. പീഡനത്തിനിരയായ പെൺകുട്ടി 2023ൽ പ്രസവിച്ചതോടെയാണ് പീഡനവിവരം പുറത്ത് അറിയുന്നത്. 2023 ജനുവരിയിൽ വൈത്തിരി പോലീസ് രജിസ്റ്റർ ചെയ്ത കേസിലാണ് ഇപ്പോൾ ശിക്ഷ വിധിച്ചത്. പീഡിപ്പിക്കപ്പെട്ട പെൺകുട്ടിയുടെ മൂത്ത സഹോദരനാണ് പ്രതി. വൈത്തിരി സ്റ്റേഷൻ എസ്.ഐ. എം.കെ. സലിം ആണ് ആദ്യം കേസിൽ അന്വേഷണം നടത്തിയത്. സി.ഐ. ടി. എ. അഗസ്റ്റ്യനാണ് തുടരന്വേഷണം നടത്തി കുറ്റപത്രം സമർപ്പിച്ചത്.
ജില്ലാ അതിവേഗ പോക്സോ പ്രത്യേക കോടതി ജഡ്ജി കെ. കൃഷ്ണകുമാറാണ് വിധി പുറപ്പെടുവിച്ചത്. പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടർ ജി. ബബിത ഹാജരായി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
