Dengue Fever And Leptospirosis: ഇടവിട്ടുള്ള മഴ തുടരുന്ന സാഹചര്യത്തിൽ സംസ്ഥാനത്ത് പകർച്ചവ്യാധികൾക്ക് സാധ്യതയെന്ന് മുന്നറിയിപ്പ്.
)
ഇടവിട്ടുള്ള മഴ തുടരുന്ന സാഹചര്യത്തില് സംസ്ഥാനത്ത് ഡെങ്കിപ്പനി, എലിപ്പനി, ജലജന്യ രോഗങ്ങള് എന്നിവ വര്ധിക്കാന് സാധ്യതയുണ്ടെന്ന് മുന്നറിയിപ്പ്. ഈ സാഹചര്യത്തിൽ അതീവ ജാഗ്രത പുലർത്തണമെന്ന് ആരോഗ്യമന്ത്രി വീണാ ജോർജ് നിർദേശം നൽകി. പ്ലാന്റേഷന് മേഖലകളിൽ ഡെങ്കിപ്പനി വ്യാപനം ഉണ്ടാകുന്നതിനാൽ അതീവ ശ്രദ്ധ പുലർത്തണം.
വെള്ളം കെട്ടി നില്ക്കുന്ന സാഹചര്യം പ്ലാന്റേഷനുകളില് ഒഴിവാക്കാനും കൊതുക് നിവാരണ പ്രവര്ത്തനങ്ങള് നടത്താനും ഉടമകള് പ്രത്യേകം ശ്രദ്ധിക്കണം. പൂട്ടിയിട്ടിരിക്കുന്ന സ്ഥലങ്ങളില് പൊതുജനാരോഗ്യ നിയമ പ്രകാരം നോട്ടീസ് നല്കി നടപടി സ്വീകരിക്കും. മൈക്രോപ്ലാന് അനുസരിച്ച് ഡെങ്കിപ്പനി, എലിപ്പനി എന്നിവയുടെ പ്രതിരോധത്തിനായി കൃത്യമായ പ്രവര്ത്തനങ്ങള് നടത്തണം.
എലിപ്പക്കെതിരെ നിരന്തര ജാഗ്രത വേണം. മലിനജലത്തിൽ ഇറങ്ങുന്ന സാഹചര്യം ഉണ്ടാകുന്ന എല്ലാവരും ആരോഗ്യ പ്രവര്ത്തകരുടെ നിര്ദേശാനുസരണം എലിപ്പനി പ്രതിരോധ ഗുളികയായ ഡോക്സിസൈക്ലിന് കഴിക്കണം. രക്ഷാപ്രവര്ത്തനത്തിന് ഇറങ്ങിയവർ ഉള്പ്പെടെ പ്രത്യേകം ശ്രദ്ധ പുലർത്തണം.
ഹോട്ട് സ്പോട്ടുകള് കണ്ടെത്തി പൊതുജനാരോഗ്യ നിയമ പ്രകാരം പരിശോധനകള് നടത്തണം. ജലജന്യ രോഗങ്ങള് മലിനമായ വെള്ളത്തിലൂടെ പകരാൻ സാധ്യതയുള്ളതിനാല് ജാഗ്രത പുലർത്തണം. കോളറ, മഞ്ഞപ്പിത്തം (ഹെപ്പറ്റൈറ്റിസ് എ) എന്നീ രോഗങ്ങള്ക്കെതിരെ ജാഗ്രത പുലർത്തണം. തിളപ്പിച്ചാറിയ വെള്ളം മാത്രമേ കുടിക്കാവൂവെന്നും ആരോഗ്യവകുപ്പ് നിർദേശം നൽകി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
