 "Diabetes And Weight Loss: അമിതവണ്ണവും പ്രമേഹവും നിയന്ത്രിക്കാൻ ഒറ്റ ഗുളിക; വിജയകരമായി പരീക്ഷണം പൂർത്തിയാക്കിയതായി എലി ലില്ലി")
)
യുഎസ് ഫാർമസ്യൂട്ടിക്കൽ കമ്പനി എലി ലില്ലി അമിതവണ്ണം കുറയ്ക്കാനും ടൈപ്പ് 2 പ്രമേഹം നിയന്ത്രിക്കാനുമുള്ള ഗുളികയുടെ പരീക്ഷണം വിജയകരമായി പൂർത്തിയാക്കിയതായി അറിയിച്ചു. പരീക്ഷണം നടത്തിയ ഗുളികയ്ക്ക് മനുഷ്യരിൽ എട്ട് ശതമാനത്തോളം ഭാരം കുറയ്ക്കാനും ടൈപ്പ് 2 പ്രമേഹം ഉള്ളവരിലെ രക്തത്തിലെ പഞ്ചസാരയുടെ അളവ് കുറയ്ക്കാനും സാധിച്ചതായി കമ്പനി അവകാശപ്പെട്ടു.
അമിതവണ്ണം കുറയ്ക്കാനും പ്രമേഹം നിയന്ത്രിക്കാനും സഹായിക്കുന്ന ഗുളികയുടെ നിരവധി പരീക്ഷണങ്ങൾ മുൻപും നടന്നിരുന്നു. എന്നാൽ, പരീക്ഷണങ്ങൾ വിജയകരമായി പൂർത്തിയായതായി ആദ്യമായാണ് കമ്പനി അവകാശപ്പെടുന്നത്. ലോകത്താകമാനം നിരവധി മരുന്ന് കമ്പനികൾ കുത്തിവയ്പ്പിലൂടെയല്ലാതെ സൗകര്യപ്രദമായ രീതിയിലൂടെ ശരീരഭാരം കുറയ്ക്കാനുള്ള ചികിത്സാ രീതി കണ്ടെത്താൻ ഗവേഷണം നടത്തുന്നുണ്ട്.
ഇതിനിടെയാണ് ശരീരഭാരം കുറയ്ക്കുന്നതിനും പ്രമേഹത്തെ തടയുന്നതിനും ഏറ്റവും എളുപ്പമുള്ള രീതിയുമായി എലി ലില്ലി എത്തിയിരിക്കുന്നത്. ഗുളികയുടെ വിൽപ്പനയ്ക്ക് തടസമാകാൻ സാധ്യതയുള്ള ആശങ്കകൾ ദൂരീകരിക്കുമെന്ന് കമ്പനി അറിയിച്ചു. ആരോഗ്യ സുരക്ഷ സംബന്ധിച്ചും മറ്റ് പ്രശ്നങ്ങൾ ഇല്ലെന്നാണ് പുറത്ത് വരുന്ന റിപ്പോർട്ടുകൾ വ്യക്തമാക്കുന്നത്.
ഈ വർഷം അവസാനത്തോടെ മറ്റൊരു പരീക്ഷണം കൂടി പൂർത്തിയാക്കാൻ കമ്പനി ലക്ഷ്യമിടുന്നുണ്ടെന്നാണ് സൂചന. എലി ലില്ലിയുടെ അമിതവണ്ണം കുറയ്ക്കുന്നതിനും ടൈപ്പ് 2 പ്രമേഹം നിയന്ത്രിക്കുന്നതിനും സഹായിക്കുന്ന മൗൻജാരോ ഇൻജക്ഷൻ ഇന്ത്യയിൽ അടുത്തിടെ അവതരിപ്പിച്ചിരുന്നു. സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷന്റെ അംഗീകാരം ലഭിച്ചതിന് ശേഷമാണ് മരുന്ന് പുറത്തിറക്കിയത്.
ഡോക്ടറുടെ നിർദേശ പ്രകാരം മാത്രമേ മൗൻജാരോ ഇൻജക്ഷൻ എടുക്കാവൂ. ആഴ്ചയിലൊരിക്കലാണ് ഈ ഇൻജക്ഷൻ എടുക്കേണ്ടത്. ഇന്ത്യയിൽ 5 മില്ലിഗ്രാം, 2.5 മില്ലിഗ്രാം വയലുകളാണ് കമ്പനി പുറത്തിറക്കിയിരിക്കുന്നത്. 5 മില്ലിഗ്രാം വയലിന് 4,375 രൂപയും 2.5 മില്ലിഗ്രാം വയലിന് 3,500 രൂപയുമാണ്.
മൗൻജാരോ ഇൻജക്ഷൻ നാചുറൽ ഇൻക്രെറ്റിൻ ഹോർമോണുകളായ ജിഐപി, ജിഎൽപി-1 എന്നിവയെ ആക്ടിവേറ്റ് ചെയ്യുകയാണ് ചെയ്യുന്നത്. എന്നാൽ, ഇന്ത്യയിൽ മൗൻജാരോ ഇൻജക്ഷന് പ്രഖ്യാപിച്ച വില കൂടുതലാണെന്നാണ് വിദഗ്ധരുടെ അഭിപ്രായം. ഈ വിലയിൽ ഒരു രോഗി ഒരു വർഷം മരുന്നിനായി ലക്ഷക്കണക്കിന് രൂപ ചിലവഴിക്കേണ്ടതായി വരുമെന്ന് വിദഗ്ധർ അഭിപ്രായപ്പെടുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
