 "Alcohol Hangover Symptoms: മദ്യം അപകടം, ഹാങ് ഓവർ കൂടുതൽ അപകടം; ഹാങ് ഓവർ കുറയ്ക്കാൻ ചെയ്യേണ്ടതെന്ത്?")
)
അമിതമായി മദ്യപിക്കുന്നതിന്റെ ഫലമായാണ് ഹാങ് ഓവർ ഉണ്ടാകുന്നത്. മദ്യം അമിതമായി കഴിച്ചതിന് ശേഷം മനസിനും ശരീരത്തിനും ഉണ്ടാകുന്ന അവസ്ഥയാണ് ഹാങ് ഓവർ. മിക്കവാറും രാവിലെയാണ് തലേ ദിവസം മദ്യപിച്ചതിന്റെ ഹാങ് ഓവർ പലർക്കും ഉണ്ടാകുക. എന്നാൽ അമിതമായി മദ്യപിച്ചാൽ ഏത് സമയത്തും ഹാങ് ഓവർ ഉണ്ടാകുന്നതിന് സാധ്യതയുണ്ട്.
സാധാരണ മദ്യപിച്ച് അൽപസമയം കഴിഞ്ഞതിന് ശേഷമാണ് ഹാങ് ഓവർ ആരംഭിക്കുക. കഴിച്ച മദ്യത്തിന്റെ അളവിന് അനുസരിച്ചും ഓരോ വ്യക്തികൾക്കും അനുസരിച്ചും ഇതിന്റെ സമയത്തിൽ വ്യത്യാസമുണ്ടാകാം. മണിക്കൂറിൽ ഒരു ഡ്രിങ്കിൽ കൂടുതൽ കഴിക്കുന്നത് ഹാങ് ഓവർ പ്രശ്നങ്ങളിലേക്ക് നയിക്കും. ഒരു ഡ്രിങ്ക് കഴിച്ച് ഇത് ശരീരത്തിൽ പ്രവർത്തിക്കുന്നതിന് ഒരു മണിക്കൂർ എങ്കിലും സമയം എടുക്കും.
ഹാങ് ഓവറിന്റെ ലക്ഷണങ്ങൾ
ഉത്കണ്ഠ
വിഷാദം
ഉറക്കമില്ലായ്മ
കോപം
ക്ഷീണം
മന്ദത
തലവേദന
കണ്ണുകൾ ചുവക്കുന്നത്
ഹൃദയമിടിപ്പ് വർധിക്കുന്നത്
ബിപി കൂടുന്നത്
ശബ്ദം, പ്രകാശം എന്നിവ അസഹനീയമാകുക
പേശികൾ തളരുന്നതായും പേശികളിൽ വേദനയും തോന്നുക
ഛർദ്ദി, മനംപിരട്ടൽ
അമിതമായ വിയർപ്പ്
വയറുവേദന
ശരീരത്തിൽ വിറയൽ
അമിതമായ ദാഹം
ഉമിനീര് അമിതമായി വരുന്നത്
നിർജ്ജലീകരണം, വയറുസംബന്ധമായ പ്രശ്നങ്ങൾ, ഇലക്ട്രോലൈറ്റുകൾ കുറയുന്നത്, രക്തത്തിലെ പഞ്ചസാരയുടെ അളവ് കുറയുന്നത്, ഉറക്കം തടസപ്പെടുന്നത് തുടങ്ങിയ പ്രശ്നങ്ങളും ഹാങ് ഓവർ മൂലം ഉണ്ടാകാം. ചിലപ്പോൾ, ഒരു ദിവസമോ അതിലും കൂടുതൽ നേരമോ ഹാങ് ഓവർ നിലനിൽക്കും.
മദ്യപിക്കുന്നത് ആരോഗ്യത്തിന് ദോഷം ചെയ്യും. എന്നാൽ മദ്യപിക്കുന്നെങ്കിൽ തന്നെ എങ്ങനെ ഹാങ് ഓവർ കുറയ്ക്കാമെന്ന് അറിയാം. മദ്യപിക്കുമ്പോൾ ചില കാര്യങ്ങളിൽ ശ്രദ്ധ പുലർത്തിയാൽ ഹാങ് ഓവർ പ്രതിരോധിക്കാനും നിയന്ത്രിക്കാനും ഇല്ലാതാക്കാനും സാധിക്കും. ഇതിനായി എന്തെല്ലാം കാര്യങ്ങൾ ശ്രദ്ധിക്കണമെന്ന് അറിയാം.
ഹാങ് ഓവർ കുറയ്ക്കാൻ ശ്രദ്ധിക്കേണ്ട കാര്യങ്ങൾ
മദ്യപിക്കുന്നതിന്റെ അളവ് കുറയ്ക്കുക
സാവധാനത്തിൽ കുടിക്കുക
കോൺജനറുകൾ ( മദ്യത്തിന് രുചി, മണം, നിറം എന്നിവ നൽകുന്ന ഘടകം) കുറവുള്ള മദ്യം തിരഞ്ഞെടുക്കുക
നിർജ്ജലീകരണം തടയുന്നതിനായി മദ്യപിക്കുന്നതിനൊപ്പം ശുദ്ധജലം നന്നായി കുടിക്കുക
നന്നായി ഭക്ഷണം കഴിക്കുക, ഇത് ശരീരത്തിലെ മദ്യത്തിന്റെ ആഗിരണം മന്ദഗതിയിലാക്കും
മണിക്കൂറിൽ ഒരു ഡ്രിങ്ക് എന്ന നിലയിൽ പതിയെ മദ്യപിക്കുക
ഹാങ് ഓവറിന്റെ ലക്ഷണങ്ങൾ
ശ്വസന നിരക്ക് വളരെ താഴ്ന്നുപോകുന്നത്
ശരീരതാപനില വളരെ കുറയുന്നത്
അബോധാവസ്ഥയിലാകുന്നത്
ജന്നി ഉണ്ടാകുന്നത്
തീവ്രമായ ഛർദ്ദിയുണ്ടാകുന്നത്
ചർമം വിളറുകയോ നീലനിറത്തിലാകുകയോ ചെയ്യുന്നത്
തുടർച്ചയായി അമിതമായി മദ്യപിക്കുന്ന സാഹചര്യം ഗുരുതരമാണ്. മദ്യപിച്ചതിന്റെ ലക്ഷണങ്ങൾ കുറയുന്നതിന് വളരെ നേരം വൈകുന്നത്, ജീവിതനിലവാരം തൊഴിൽ എന്നിവയെ മദ്യപാനം ഗുരുതരമായി ബാധിക്കുന്നത് എന്നീ സാഹചര്യങ്ങളിൽ ഡോക്ടറുടെ സഹായം തേടേണ്ടത് പ്രധാനമാണ്.
Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
