 "Glowing Skin: തിളക്കമുള്ള ചർമ്മത്തിനായി മോയ്സ്ചറൈസറുകൾ വീട്ടിൽ തന്നെയുണ്ടാക്കിയാലോ?")
കാലാവസ്ഥയ്ക്ക് അനുസരിച്ച് നമ്മുടെ ചർമ്മത്തിൽ ഒരുപാട് മാറ്റങ്ങൾ സംഭവിക്കാറുണ്ട്. വരണ്ട ചർമ്മമാണ് കാലാവസ്ഥ മാറുമ്പോൾ എല്ലാവരും ഏറ്റവും അധികം നേരിടുന്ന പ്രശ്നം. അതുകൊണ്ട് തന്നെ ചർമ്മത്തിന് അതിനനുസരിച്ചുള്ള പരിചരണം നൽകേണ്ടത് പ്രധാനമാണ്.
വിപണിയിൽ നിരവധി മോയ്സ്ചറൈസറുകൾ ലഭ്യമാണ്. എന്നാൽ ഇവയിൽ പലതിലും പല കെമിക്കലുകളും അടങ്ങിയിട്ടുണ്ടാകും. ഇത് ചർമ്മത്തിന്റെ സ്വാഭാവികത നഷ്ടപ്പെടാൻ കാരണമായേക്കാം. അതിനാൽ ഇത്തരം മോയ്സ്ചറൈസറുകൾ നമുക്ക് വീട്ടിൽ തന്നെ തായാറാക്കാൻ സാധിക്കും.
കറ്റാർ വാഴയും പാലും
കറ്റാർ വാഴ ജെൽ ചർമ്മ സംരക്ഷണത്തിലും മുടിയുടെ സംരക്ഷണത്തിനുമെല്ലാം ബെസ്റ്റാണ്. അതിനൊപ്പം പാൽ കൂടി ചേർക്കുമ്പോൾ ചർമ്മത്തിന് ഇരട്ടി ഗുണമാണ് ലഭിക്കുന്നത്. കറ്റാർവാഴയും പാലും ചേർത്ത് എങ്ങനെ മോയ്സ്ചറൈസർ തയാറാക്കാം എന്ന് നോക്കാം. കറ്റാർവാഴ ജെൽ എടുത്ത് അതിലേയ്ക്ക് 2 ടേബിൾസ്പൂൺ പാൽ അല്ലെങ്കിൽ പാൽപ്പൊടി ചേർത്ത് വേണം മിശ്രിതം തയാറാക്കാൻ. ഇത് 10 മിനിറ്റ് നേരം മുഖത്ത് പുരട്ടിയ ശേഷം തണുത്ത വെള്ളത്തിൽ കഴുകി കളയാം.
എള്ളെണ്ണയും വിനാഗിരിയും
എള്ളെണ്ണയിൽ ധാരാളം ആൻ്റി ഓക്സിഡൻ്റുകളും ധാതുക്കളും അടങ്ങിയിട്ടുണ്ട്. ഇത് ചർമ്മം വരണ്ടു പോകുന്നത് തടയും. എള്ളെണ്ണയിൽ അതേ അളവിൽ തന്നെ വിനാഗിരി ചേർക്കുക. ഈ മിശ്രിതം 20 മിനിറ്റ് നേരം മുഖത്ത് പുരട്ടിയ ശേഷം തണുത്ത വെള്ളത്തിൽ കഴുകി കളയുക.
തേനും പാലും
രണ്ട് ടേബിൾസ്പൂൺ തേൻ, രണ്ട് ടേബിൾസ്പൂൺ പാൽ എന്നിവ ചേർത്ത് ഒരു മിശ്രിതം തയാരാക്കാവുന്നതാണ്. ഇത് 15 മിനിറ്റ് നേരം മുഖത്ത് പുരട്ടുക. ശേഷം തണുത്ത വെള്ളത്തിൽ കഴുകി കളയാം.
തൈരും പഴവും
നന്നായി പഴുത്ത ഒരു പഴമെടുത്ത് അതിന്റെ പകുതി ഉടച്ചെടുക്കുക. അതിലേയ്ക്ക് 4 ടേബിൾസ്പൂൺ തൈര് ചേർത്ത് വേണം മിശ്രിതം തയാറാക്കാൻ. ഇത് ചർമ്മത്തിൽ പുരട്ടി 20 മിനിറ്റ് കഴിഞ്ഞ് തണുത്ത വെള്ളത്തിൽ കഴുകി കളയുക.
വെളിച്ചെണ്ണ
വെളിച്ചണ്ണം ചർമ്മത്തിൽ പുരട്ടുന്നത് വളരെ നല്ലതാണ്. 5 മിനിറ്റ് നേരം മസാജ് ചെയ്ത ശേഷം കഴുകി കളയാം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)