ചപ്പാത്തി മൃദുവായിരിക്കാൻ കുറച്ച് വഴികൾ ഇതാ...ഇവയൊന്ന് പരീക്ഷിച്ച് നോക്കാവുന്നതാണ്.
വീടുകളിലെ പതിവ് ഭക്ഷണങ്ങളിൽ ഇന്ന് കാണുന്ന ഒന്നാണ് ചപ്പാത്തി. ബ്രേക്ക്ഫാസ്റ്റിനും ഉച്ച ഭക്ഷണമായും അത്താഴത്തിനും ഒക്കെ ഇന്ന് ആളുകൾ ഓപ്റ്റ് ചെയ്യുന്നത് ചപ്പാത്തിയാണ്. ചിലപ്പോൾ ചപ്പാത്തി ഉണ്ടാക്കി വച്ച് കഴിയുമ്പോൾ അതിന്റെ മൃദുത്വം നഷ്ടപ്പെട്ട് പോകാറുണ്ട്. ഉണ്ടാക്കി വച്ച് കുറെ സമയം കഴിഞ്ഞാണ് ചപ്പാത്തി കഴിക്കുന്നതെങ്കിൽ ഇത് കട്ടിയായിട്ട് ഇരിക്കുന്നത് കാണാം.
കാസറോളിൽ ചപ്പാത്തി തയാറാക്കി വച്ച് കഴിയുമ്പോൾ കൂടുതൽ നേരം അതിന്റെ മൃദുത്വം നിലനിൽക്കാനുള്ള കുറച്ച് ടിപ്സുകൾ ഇതാ...
കാസറോളിലാണ് ചപ്പാത്തി എടുത്ത് വയ്ക്കുന്നതെങ്കിൽ അതിന് ചൂടുണ്ടെന്ന് ഉറപ്പ് വരുത്തുക. ചൂട് വെള്ളത്തിൽ കാസറോൾ കഴുകി നന്നായി ഈർപ്പം കളഞ്ഞെടുക്കുകയാണ് ഇതിന് വേണ്ടത്. ഇങ്ങനെ ചെയ്യുമ്പോൾ ചൂടുള്ള കാസറോള് കൂടുതല് സമയം ചൂട് നിലനിര്ത്തും. കാസറോളിനുള്ളിൽ ചപ്പാത്തി മൃദുലമായിരിക്കാന് സഹായിക്കും.
വൃത്തിയുള്ള കോട്ടണ് തുണിയില് ചപ്പാത്തി പൊതിഞ്ഞ് കാസറോളില് വെക്കുന്നതും മൃദുത്വം നിലനിർത്താൻ നല്ലതാണ്. ഉണങ്ങിയ തുണി വേണം ഇതിനായി ഉപയോഗിക്കാൻ. ഈ തുണി അധികമുള്ള ഈര്പ്പം വലിച്ചെടുക്കും. ഇത് ചപ്പാത്തി ഫ്രഷ് ആക്കി വയ്ക്കും.
ചപ്പാത്തി ചൂട്ടെടുത്ത ഉടനെ അടുക്കിവെക്കരുത്. അങ്ങനെ ചെയ്താൽ അതില് നിന്നും നീരാവി പുറത്തുവരും. ചപ്പാത്തി ഒന്ന് തണുത്തശേഷം വേണം കാസറോളില് അടുക്കിവെക്കാൻ. ആവശ്യമെങ്കില് അടുപ്പത്ത് നിന്ന് എടുത്ത ശേഷം ചപ്പാത്തിയിൽ അൾപം നെയ്യ് പുരട്ടാം. ചപ്പാത്തിയുടെ മൃദുത്വം നിലനിർത്താൻ ഇത് സഹായിക്കും.
ചപ്പാത്തികള് അടുക്കിവയ്ക്കുമ്പോൾ അതിനിടയിൽ ബട്ടര് പേപ്പര് വെക്കുന്നത് നല്ലതാണ്. ഇത് വായു സഞ്ചാരം ഉറപ്പുവരുത്താന് സഹായിക്കും. ചപ്പാത്തി കൂടുതൽ നേരം മൃദുവായി സൂക്ഷിക്കാനും സഹായിക്കും. ചപ്പാത്തി അടുക്കിയശേഷം കാസറോള് നന്നായി അടച്ചുസൂക്ഷിക്കുകയും വേണം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)