Kolkata Fire Accident: കൊൽക്കത്തയിൽ ഹോട്ടലിൽ തീപിടിത്തം; 14 മരണം, തീ നിയന്ത്രണവിധേയം

കൊൽക്കത്തയിൽ ഹോട്ടലിൽ തീപിടിത്തമുണ്ടായതിന്റെ കാരണം വ്യക്തമല്ല. പ്രത്യേക സംഘം അന്വേഷിക്കും.

കൊൽക്കത്ത: കൊൽക്കത്തയിൽ ഹോട്ടലിലുണ്ടായ തീപിടിത്തത്തിൽ 14 പേർ മരിച്ചു. ഇന്നലെ രാത്രിയാണ് തീപിടിത്തമുണ്ടായത്. തീ നിയന്ത്രണ വിധേയമാക്കി. സ്ഥലത്ത് പൊലീസ് പരിശോധന നടക്കുന്നു. തീപിടിത്തത്തിന്റെ കാരണം വ്യക്തമല്ല. അന്വേഷണത്തിനായി പ്രത്യേക സംഘത്തെ രൂപീകരിച്ചു.

Mangaluru Mob Lynching: മം​ഗളൂരുവിൽ കൊല്ലപ്പെട്ടത് മലയാളി; മരിച്ചത് വയനാട് സ്വദേശി, മൃതദേഹം ബന്ധുക്കൾ ഏറ്റുവാങ്ങി

ബെം​ഗളൂരു: മം​ഗളൂരു ആൾക്കൂട്ട കൊലപാതകത്തിൽ മരിച്ചത് മലയാളി തന്നെയാണെന്ന് സ്ഥിരീകരിച്ചു. വയനാട് പുൽപ്പള്ളി സ്വദേശി അഷ്റഫ് ആണ് മരിച്ചത്. മൃതദേഹം തിരിച്ചറിയാൻ അഷ്റഫിന്റെ സഹോദരൻ രാത്രിയിൽ സ്ഥലത്തെത്തിയിരുന്നു. മൃതദേഹം അഷ്റഫിന്റെ ബന്ധുക്കൾ ഏറ്റുവാങ്ങി. 

വർഷങ്ങളായി മാനസിക പ്രശ്നങ്ങൾ നേരിടുന്ന ആളാണ് അഷ്റഫ് എന്നാണ് ബന്ധുക്കൾ പറയുന്നത്. കേസിൽ ഇതുവരെ 20 പേർ പിടിയിലായിട്ടുണ്ട്. മം​ഗളൂരുവിൽ കനത്ത സുരക്ഷയാണ് ഏർപ്പെടുത്തിയിരിക്കുന്നത്. കേസന്വേഷണത്തിന് പ്രത്യേക സംഘം വേണമെന്ന് ജില്ലയുടെ ചുമതലയുള്ള മന്ത്രി ദിനേശ് ​ഗുണ്ടുറാവു പറ‍ഞ്ഞു. ഇക്കാര്യം ആവശ്യപ്പെട്ട് ആഭ്യന്തരമന്ത്രി ജി.പരമേശ്വരയ്ക്ക് കത്ത് നൽകുകയും ചെയ്തു. 

ഏപ്രിൽ 27നാണ് സംഭവം നടന്നത്. മർദ്ദനത്തെ തുടർന്നുണ്ടായ ആന്തരിക രക്തസ്രാവമാണ് മരണകാരണം. അടിയന്തരമായി വൈദ്യസഹായം ലഭിച്ചിരുന്നെങ്കിൽ ഇയാളുടെ ജീവൻ രക്ഷിക്കാമായിരുന്നുവെന്നാണ് പോസ്റ്റ്മോർട്ടം റിപ്പോർട്ടിൽ വ്യക്തമാക്കുന്നത്. കുഡുപ്പുവിലെ ക്ഷേത്രത്തിന് സമീപം പ്രാദേശിക ക്രിക്കറ്റ് മത്സരം കാണാനെത്തിയപ്പോഴാണ് അഷ്റഫ് ആൾക്കൂട്ട മർദ്ദനമേറ്റ് മരിച്ചത്. മത്സരത്തിനിടെ പാകിസ്ഥാൻ അനുകൂല മുദ്രാവാക്യം വിളിച്ചതാണ് ആൾക്കൂട്ടത്തെ പ്രകോപിപ്പിച്ചതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. ഭാരതീയ ന്യായ സംഹിതയിലെ 103(2), 115(2), 189(2), 190, 191(1), 191(3), 240 എന്നീ വകുപ്പുകൾ പ്രകാരമാണ് പ്രതികൾക്കെതിരെ കേസെടുത്തിരിക്കുന്നത്.