 "Mumbai train blasts: മുംബൈ ട്രെയിൻ സ്ഫോടനക്കേസിലെ 12 പ്രതികളെയും കുറ്റവിമുക്തരാക്കി ബോംബെ ഹൈക്കോടതി")
മുംബൈ: 2006ലെ മുംബൈ ലോക്കൽ ട്രെയിൻ സ്ഫോടനക്കേസിലെ പ്രതികളെ വെറുതെവിട്ട് ബോംബെ ഹൈക്കോടതി. പ്രതി ചേർക്കപ്പെട്ട 12 പേരെയും വെറുതേവിട്ടു. കുറ്റക്കാർക്കെതിരെ കേസ് തെളിയിക്കുന്നതിൽ പ്രോസിക്യൂഷൻ പൂർണമായി പരാജയപ്പെട്ടതായി ഹൈക്കോടതി നിരീക്ഷിച്ചു.
180ൽ അധികം പേരുടെ മരണത്തിനും നിരവധി പേർ പരിക്കേൽക്കാനും ഇടയാക്കിയ ഭീകരാക്രമണം നടന്ന് 19 വർഷത്തിന് ശേഷമാണ് കോടതി വിധി വരുന്നത്. പ്രോസിക്യൂഷൻ തെളിവുകൾ പര്യാപ്തം ആയിരുന്നില്ലെന്നാണ് ജസ്റ്റിസുമാരായ അനിൽ കിലോർ, ശ്യാം ചന്ദക് എന്നിവരുൾപ്പെട്ട ബെഞ്ച് വ്യക്തമാക്കിയത്.
പ്രതികൾക്കെതിരെ കേസ് തെളിയിക്കുന്നതിൽ പൂർണമായും പ്രോസിക്യൂഷൻ പരാജയപ്പെട്ടെന്നും പ്രതികളാണ് ഈ കുറ്റം ചെയ്തതെന്ന് വിശ്വസിക്കാൻ പ്രയാസമാണെന്നും അതിനാൽ തന്നെ ഇവരുടെ ശിക്ഷ റദ്ദാക്കുന്നുവെന്നും കോടതി വ്യക്തമാക്കി. അഞ്ച് പേർക്ക് വധശിക്ഷയും ഏഴ് പേർക്ക് ജീവപര്യന്തം തടവുമാണ് വിചാരണ കോടതി വിധിച്ചിരുന്നത്.
എന്നാൽ വിചാരണ കോടതിയുടെ വിധി ശരിവയ്ക്കാൻ വിസമ്മതിച്ച ഹൈക്കോടതിയുടെ പ്രത്യേക ബെഞ്ച് പ്രതികളെ എല്ലാവരെയും വെറുതേവിട്ടു. മറ്റ് കേസുകളിൽ ഇവർ പ്രതിയല്ലെങ്കിൽ ഉടൻ തന്നെ ഇവരെ മോചിപ്പിക്കാനും കോടതി ഉത്തരവിട്ടു. 2015ൽ വിചാരണ കോടതി കേസിലെ പ്രതികളായ 12 പേരെയും കുറ്റക്കാരായി കണ്ടെത്തി അഞ്ച് പേർക്ക് വധശിക്ഷയും ഏഴ് പേർക്ക് ജീവപര്യന്തം തടവ് ശിക്ഷയും വിധിച്ചിരുന്നു.
2006ലാണ് ട്രെയിൻ ശൃംഖലയിൽ സ്ഫോടനം ഉണ്ടായത്. ജൂലൈ 11ന് മുംബൈ നഗരത്തിലെ ലോക്കൽ ട്രെയിൻ ശൃംഖലയിൽ വിവിധയിടങ്ങളിലായി ഏഴ് സ്ഫോടനങ്ങളാണ് നടന്നത്. ആക്രമണത്തിൽ 180ൽ അധികം പേർ കൊല്ലപ്പെട്ടു. നിരവധി പേർക്ക് പരിക്കേറ്റു. 19 വർഷത്തിന് ശേഷമാണ് ഇപ്പോൾ പ്രതികളെ വെറുതേവിട്ടിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)