 "Bengaluru News: റീൽസ് ചിത്രീകരണത്തിനിടെ ഫ്ലാറ്റിന്റെ 14ാം നിലയിൽ നിന്ന് വീണു; 21കാരിക്ക് ദാരുണാന്ത്യം")
ബെംഗളൂരു: റീൽസ് ചിത്രീകരിക്കുന്നതിനിടെ ഫ്ലാറ്റിന്റെ പതിനാലാം നിലയിൽ നിന്ന് വീണ് 21കാരി മരിച്ചു. ബെംഗളൂരു പരപ്പന അഗ്രഹാരയിൽ നിർമാണത്തിലിരുന്ന കെട്ടിടത്തിൽ നിന്ന് വീണാണ് യുവതി മരിച്ചത്. ആന്ധ്രപ്രദേശ് ചിറ്റൂർ സ്വദേശിയായ നന്ദിനിയാണ് മരിച്ചത്. സൗത്ത് ബെംഗളൂരുവിലെ റായസാന്ദ്രയിൽ പേയിങ് ഗസ്റ്റായി താമസിച്ചു വരികയായിരുന്നു നന്ദിനി. റായസാന്ദ്രയിലെ ഒരു സൂപ്പർമാർക്കറ്റിലെ സെയിൽസ് എക്സിക്യൂട്ടീവായി ജോലി ചെയ്യുകയായിരുന്നു യുവതി.
കഴിഞ്ഞ തിങ്കളാഴ്ച രാത്രി എട്ട് മണിയോടെയാണ് യുവതി സുഹൃത്തുക്കളും കൂടി നിർമ്മാണത്തിലിരുന്ന കെട്ടിടത്തിലേക്ക് പോയത്. കേസിൽപെട്ട് 10 വർഷമായി നിർമ്മാണ പ്രവർത്തനങ്ങൾ തടയപ്പെട്ട് കിടക്കുന്ന കെട്ടിമാണിത്. റീൽസ് എടുക്കാനായി കെട്ടിടത്തിന് മുകളിലേക്ക് പോകവെ നന്ദിനി കാൽവഴുതി താഴെ വീഴുകയായിരുന്നു. ലിഫ്റ്റ് സ്ഥാപിക്കാനായി ഒഴിച്ചിട്ടിരുന്ന ഭാഗത്ത് കൂടിയാണ് യുവതി താഴേക്ക് വീണതെന്നാണ് വിവരം.
അതേസമയം അപകടത്തിന് പിന്നാലെ സംഘത്തിലുണ്ടായിരുന്ന 2 പേർ ഓടിരക്ഷപ്പെട്ടു. മറ്റുള്ളവർ പൊലീസിനെ വിവരമറിയിച്ചു. പൊലീസ് എത്തിയപ്പോഴേക്കും യുവതി മരിച്ചിരുന്നു. സംഘത്തിലുള്ള ആരെയും ഇതുവരെ കസ്റ്റഡിയിലെടുത്തിട്ടില്ല എന്നാണ് വിവരം. കെട്ടിടത്തിൽ പാർട്ടിനടത്തുകയായിരുന്നു സംഘം. റീൽസ് ചിത്രീകരിക്കാൻ ശ്രമിക്കുന്നതിനിടെ യുവതി കാൽവഴുതി താഴേക്ക് വീഴുകയായിരുന്നു എന്നും പൊലീസ് പറഞ്ഞു. അപകടമാണെന്നാണ് കരുതുന്നതെന്നും അന്വേഷണം പുരോഗമിക്കുകയാണെന്നും ഡിസിപി പറഞ്ഞു. യുവതിയുടെ സുഹൃത്തുക്കളെ കണ്ടെത്താനുള്ള ശ്രമത്തിലാണ് പൊലീസ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)