 "India Pakistan Ceasefire: അടച്ചിട്ട 32 വിമാനത്താവളങ്ങളും തുറക്കും; സുപ്രധാന തീരുമാനവുമായി എയർപോര്ട്ട് അതോറിറ്റി")
ഇന്ത്യ പാകിസ്താൻ വെടിനിർത്തലിന് പിന്നാലെ അടച്ചിട്ട 32 വിമാനത്താവളങ്ങളും തുറക്കാൻ തീരുമാനമായി. അതിര്ത്തി സംസ്ഥാനങ്ങളിലെ 32 വിമാനത്താവളങ്ങള് തുറക്കാനുള്ള സുപ്രധാന തീരുമാനമാണ് എയര്പോര്ട്ട് അതോറ്റിറ്റി ഓഫ് ഇന്ത്യ (എഎഐ) എടുത്തത്. ഉടൻ തന്നെ വിമാനത്താവളങ്ങള് തുറക്കും.
അദംപൂർ, അംബാല, അമൃത്സർ, അവന്തിപൂർ, ബതിന്ദ, ഭുജ്, ബിക്കാനീർ, ചണ്ഡീഗഢ്, ഹൽവാര, ഹിൻഡൺ, ജയ്സാൽമീർ, ജമ്മു, ജാംനഗർ, ജോധ്പൂർ, കണ്ട്ല, കാംഗ്ര (ഗഗ്ഗൽ), കെഷോദ്, കിഷൻഗഡ്, കുളു മണാലി (ഭുണ്ടാർ), ലേ, ലുധിയാന, മുന്ദ്ര, നലിയ, പത്താൻകോട്ട്, പട്യാല, പോർബന്ദർ, രാജ്കോട്ട് (ഹിരാസർ), സർസാവ, ഷിംല, ശ്രീനഗർ, തോയിസ്, ഉത്തർലായ്, എന്നീ വിമാനത്താവളങ്ങളാണ് തുറക്കുക.
തീരുമാനം വന്നതിന് പിന്നാലെ ചണ്ഡിഗഢ് വിമാനത്താവളം തുറന്നു. വിമാനത്താവളങ്ങള് തുറന്ന് വാണിജ്യ വിമാന സര്വീസുകള് ഉടൻ തന്നെ ആരംഭിക്കുമെന്നാണ് അറിയിപ്പ്. മൂന്നു ദിവസത്തിനുശേഷമാണ് വിമാനത്താവളങ്ങള് തുറക്കുന്നത്. മെയ് 15വരെ വിമാനത്താവളങ്ങള് അടച്ചിടാൻ തീരുമാനിച്ചിരുന്നതെങ്കിലും വെടിനിര്ത്തൽ കരാര് വന്നശേഷം അതിര്ത്തി ശാന്തമായതോടെയാണ് പെട്ടെന്ന് തുറക്കാനുള്ള തീരുമാനമെടുത്തത്. വിമാനത്താവളങ്ങള് തുറക്കാനുള്ള നിര്ദേശവും പുറത്തിറക്കിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
