The most expensive wedding : 90 കോടി രൂപയുടെ ആഭരണം,17 കോടി രൂപയുടെ സാരി! ഇന്ത്യയിലെ ഏറ്റവും വലിയ ആഡംബര വിവാഹം ആനന്ത് അംബാനിയുടേതല്ല

ബെംഗളുരു: 2016 ൽ ഇന്ത്യയിലെ ഏറ്റവും ആഡംബര വിവാഹങ്ങളിലൊന്ന് ആയിരുന്നു മുൻ കർണാടക മന്ത്രി ജനാർദ്ദന റെഡ്ഡിയുടെ മകൾ ബ്രഹ്മണിയുടേത് . ഹൈദരാബാദിലെ ഒരു വ്യവസായിയായ വിക്രം ദേവ് റെഡ്ഡിയുടെ മകൻ രാജീവ് റെഡ്ഡിയായിരിന്നു വരൻ.  കോടി  കണക്കിന് രൂപ ചെലവഴിച്ച ഒരു വലിയ ആഘോഷമായിരുന്നു വിവാഹം. 2016 നവംബർ 16-ന് നടന്ന വിവാഹം അഞ്ച് ദിവസം നീണ്ടുനിന്നു, ഏകദേശം 50,000 അതിഥികൾ വിവാഹത്തിൽ പങ്കെടുത്തതായാണ് കണക്ക്.

ബ്രഹ്മണിയുടെ  വേഷമായിരുന്നു ചടങ്ങിലെ മുഖ്യ ആകർഷണം. അതിമനോഹരമായ ചുവന്ന കാഞ്ചീവരം സാരിയാണ് അവർ ധരിച്ചിരുന്നത്, സ്വർണ്ണ നൂലുകൾ കൊണ്ട് എംബ്രോയ്ഡറി ചെയ്ത സാരിക്ക്, ഏകദേശം 17 കോടി രൂപ വിലവരും. 25 കോടി രൂപ വിലമതിക്കുന്ന ഒരു ഡയമണ്ട് ചോക്കറാണ് ബ്രഹ്മണി ധരിച്ചിരുന്നത്. വധുവിന്റെ ആഭരണങ്ങളുടെ ആകെ മൂല്യം 90 കോടി രൂപയാണെന്ന് കണക്കാക്കപ്പെട്ടിരുന്നു. ബ്രഹ്മണിയുടെ വിവാഹ മേക്കപ്പിന് മാത്രം 30 ലക്ഷം രൂപയിലധികം ചെലവായതായി റിപ്പോർട്ടുണ്ട്.

ആഡംബരത്തിന്റെ ഒരു കാഴ്ചയാണെങ്കിലും, അത് കാര്യമായ വിവാദങ്ങൾക്കും കാരണമായി. കർണാടകയിലെ ബിജെപി മന്ത്രിയായിരുന്ന ജനാർദ്ദന റെഡ്ഡി,അമിത ചെലവിന് വിമർശനം നേരിട്ടു, പ്രത്യേകിച്ച് ഇന്ത്യ നോട്ട് നിരോധനവുമായി മല്ലിടുന്ന സമയത്ത്, റെഡ്ഡിയുടെ സമ്പത്തിന്റെ ഉറവിടത്തെ ചോദ്യം ചെയ്ത് നിരവധി രാഷ്ട്രീയ പാർട്ടികളും പ്രവർത്തകരും ധൂർത്തിനെതിരെ പ്രതിഷേധിച്ചു. എതിർപ്പുകൾക്കിടയിലും, ഏറ്റവും ചർച്ച ചെയ്യപ്പെട്ടതും ആഡംബരപൂർണ്ണവുമായ  വിവാഹത്തെ കുറിച്ചായിരിന്നു.

മുകേഷ് അംബാനിയുടെ മകൻ അനന്ത് അംബാനിയും രാധിക മർച്ചന്റും തമ്മിലുള്ള വിവാഹം ഇന്ത്യയിലെ ഏറ്റവും ചെലവേറിയ വിവാഹമായി കണക്കാക്കപ്പെടുന്നുണ്ടെങ്കിലും, ഈ അവകാശവാദത്തെ പിന്തുണയ്ക്കുന്ന ഔദ്യോഗിക രേഖകളൊന്നുമില്ല. എന്നാൽ ബ്രഹ്മണിയുടെ കല്യാണ വിശേഷങ്ങൾ അന്ന് അത്രയേറെ ചർച്ച ചെയ്യപ്പെട്ടിരുന്നു. നോട്ട് നിരോധന കാലത്ത് പൊതുജനം എടിഎമ്മുകളിലും ബാങ്കുകളിലും ക്യൂനിന്ന് തളർന്നു വീണുകൊണ്ടിരിക്കെ ആയിരുന്നു ജനാർദ്ദന റെഡ്ഡി ഇത്രയും പണം ചെലവിട്ട് മകളുടെ കല്യാണം നടത്തിയത്. 2017 ലെ പണത്തിന്റെ മൂല്യവും ഇപ്പോഴത്തെ പണത്തിന്റെ മൂല്യവും താരതമ്യം ചെയ്താൽ തന്നെ ഈ ആഡംബരത്തിന്റെ യഥാർത്ഥ മൂല്യം മനസ്സിലാകും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.