 "Ahmedabad Plane Crash: അഹമ്മദാബാദ് വിമാന ദുരന്തം: അന്വേഷണത്തിന് ഉന്നതതല സമിതി രൂപീകരിച്ച് കേന്ദ്ര സർക്കാർ")
)
ഗുജറാത്ത്: അഹമ്മദാബാദ് വിമാന ദുരന്തത്തിന്റെ അന്വേഷണത്തിന് ഉന്നതതല സമിതി രൂപീകരിച്ച് കേന്ദ്ര സർക്കാർ. ദുരന്തത്തിൽ 265 പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്ത സംഭവത്തിന്റെ കാരണങ്ങൾ പരിശോധിക്കാൻ ഉന്നതതല മൾട്ടി-ഡിസിപ്ലിനറി കമ്മിറ്റി രൂപീകരിക്കുമെന്ന് സിവിൽ ഏവിയേഷൻ മന്ത്രാലയം അറിയിച്ചിട്ടുണ്ട്.
അപകടത്തിലേക്ക് നയിച്ച സാഹചര്യങ്ങൾ പാനൽ വിലയിരുത്തുകയും നിലവിലുള്ള സ്റ്റാൻഡേർഡ് ഓപ്പറേറ്റിംഗ് നടപടിക്രമങ്ങളും നിലവിലുള്ള സുരക്ഷാ മാർഗ്ഗ നിർദ്ദേശങ്ങളും വിലയിരുത്തുമെന്നും മന്ത്രാലയം അറിയിച്ചു. ഭാവിയിൽ സമാനമായ വ്യോമയാന അപകടങ്ങൾ തടയുന്നതിനും ഫലപ്രദമായി കൈകാര്യം ചെയ്യുന്നതിനുമുള്ള ശക്തമായ ഒരു ചട്ടക്കൂട് ശുപാർശ ചെയ്യുക എന്നതാണ് കമ്മിറ്റിയുടെ പ്രാഥമിക ലക്ഷ്യമെന്നാണ് മന്ത്രാലയം വിശദമാക്കിയിരിക്കുന്നത്.
ഈ കമ്മിറ്റി സ്വതന്ത്രമായി പ്രവർത്തിക്കുമെന്നും ബന്ധപ്പെട്ട അധികാരികൾ നടത്തുന്ന മറ്റ് നിയമപരമായ അല്ലെങ്കിൽ സാങ്കേതിക അന്വേഷണങ്ങൾക്ക് പകരമാവില്ലെന്നും മന്ത്രാലയം അറിയിച്ചിട്ടുണ്ട്. ഉന്നത സമിതിയിൽ കേന്ദ്ര ആഭ്യന്തര സെക്രട്ടറി, സിവില് ഏവിയേഷന് മന്ത്രാലയം സെക്രട്ടറി, ആഭ്യന്തര മന്ത്രാലയം അഡീഷണല് /ജോയിന്റ് സെക്രട്ടറി, സംസ്ഥാന ദുരന്തനിവാരണ അതോറിറ്റി പ്രതിനിധി, ഗുജറാത്ത് സര്ക്കാരിന്റെ ആഭ്യന്തര വകുപ്പ് പ്രതിനിധി, അഹമ്മദാബാദ് പോലീസ് കമ്മീഷണര്, ഇന്ത്യന് എയര്ഫോഴ്സ് ഇന്സ്പെക്ഷന് ആന്ഡ് സേഫ്റ്റി ഡയറക്ടര് ജനറല്, സിവില് ഏവിയേഷന് സെക്യൂരിറ്റി ഡയറക്ടര് ജനറല്, ഫോറന്സിക് സയന്സ് ഡയറക്ടറേറ്റ് ഡയറക്ടര്, ഏവിയേഷന് എക്സ്പേര്ട്ടുകള്, നിയമ വിദഗ്ദര് തുടങ്ങിയവരായിരിക്കും ഉണ്ടാവുക.
ഉന്നതതല സമിതി ഫ്ളൈറ്റ് ഡാറ്റ, കോക്പിറ്റ് വോയ്സ് റെക്കോര്ഡുകള്, എടിസി ലോഗുകള്, എയര്ക്രാഫ്റ്റ് മെയിന്റനന്സ് റെക്കോര്ഡുകള്, സാക്ഷിമൊഴികള് തുടങ്ങിയവ പരിശോധിക്കും. അപകടം നടന്ന പ്രദേശം സന്ദര്ശിക്കുകയും എയര് ട്രാഫിക് കണ്ട്രോളര്മാര് ഉള്പ്പെടെയുളള പ്രധാനപ്പെട്ട വ്യക്തികളുമായി കൂടിക്കാഴ്ച്ച നടത്തുകായും ചെയ്യും. മൂന്നു മാസത്തിനകം കമ്മിറ്റി റിപ്പോര്ട്ട് സബ്മിറ്റ് ചെയ്യും എന്നാണ് വിവരം.
അഹമ്മദാബാദിലെ സർദാര് വല്ലഭായി പട്ടേൽ അന്താരാഷ്ട്ര വിമാനത്താവളത്തിൽ നിന്ന് ലണ്ടനിലെ ഗാറ്റ്വിക്ക് വിമാനത്താവളത്തിലേക്ക് പോകാനായി പറന്നുയർന്ന AI 171 വിമാനമാണ് ജൂൺ 12 വ്യാഴാഴ്ച തകർന്നു വീണത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
