Patanjali Mega Food And Herbal Park: ഏഷ്യയിലെ ഏറ്റവും വലിയ ഭക്ഷ്യ സംസ്കരണ യൂണിറ്റ്; പതഞ്ജലി ഫുഡ് ആൻഡ് ഹെർബൽ പാർക്ക്

Asia's Largest Food Processing Unit: കർഷകർക്ക് പ്രയോജനകരമാകുന്ന പുതിയ ഒരു വിപ്ലവകരമായ മാറ്റത്തിന് തുടക്കം കുറിച്ചിരിക്കുകയാണ് പതഞ്ജലി.

നാ​ഗ്പൂരിലെ മിഹാൻ മേഖയിൽ പതഞ്ജലി ഫുഡ് ആൻഡ് ഹെർബൽ പാർക്ക് പ്രവർത്തനം ആരംഭിച്ചു. കർഷകരുടെ പ്രശ്നങ്ങൾക്ക് പരിഹാരമാകാൻ ഈ ഫുഡ് പാർക്കിന് സാധിക്കുമെന്ന് പതഞ്ജലി ആയുർവേദ ലിമിറ്റഡിന്റെ എംഡി ആചാര്യ ബാലകൃഷ്ണ പറയുന്നു. ഏഷ്യയിലെ ഏറ്റവും വലിയ സിം​ഗിൾ പോയിന്റ് ഭക്ഷ്യ സംസ്കരണ യൂണിറ്റാണിതെന്നും അദ്ദേഹം പറഞ്ഞു.

Add Zee News as a Preferred Source

മാർച്ച് ഒമ്പതിന് കേന്ദ്രമന്ത്രി നിതിൻ ​ഗഡ്കരിയും മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നവിസും ചേർന്നാണ് പ്ലാന്റ് ഉദ്​ഘാടനം ചെയ്തത്. വിദർഭ മേഖലയിലെ കർഷകരുടെ ദുരിതങ്ങൾക്ക് പരിഹാരം കാണാനാകും. കാർഷിക ഭൂപ്രകൃതിയെ പരിവർത്തനം ചെയ്യുന്നതിന് കൂട്ടായ പിന്തുണ ആവശ്യമാണെന്നും ആചാര്യ ബാലകൃഷ്ണ വ്യക്തമാക്കി.

പ്രതിദിനം 800 ടൺ സംസ്കരണ ശേഷിയുള്ള ഈ പ്ലാന്റ് മാലിന്യ രഹിത സംവിധാനം ഉള്ളതാണ്. പഴങ്ങളിൽ നിന്ന് പ്രകൃതിദത്തമായ ജ്യൂസ് വേർതിരിച്ചെടുക്കുന്നതിന് നൂതന അന്താരാഷ്ട്ര സംവിധാനങ്ങളും സാങ്കേതിക വിദ്യകളും ഉപയോ​ഗിക്കുന്നു. വിപുലമായ ​ഗവേഷണങ്ങൾക്കൊടുവിലാണ് പദ്ധതി യാഥാർഥ്യമായിരിക്കുന്നത്. പ്രധാനമന്ത്രി നരേന്ദ്ര മോദിയുടെ നൈപുണ്യ പരിശീലന പരിപാടിയുടെ ദർശനത്തോട് യോജിച്ചാണ് ഈ പദ്ധതി നടപ്പാക്കിയിരിക്കുന്നത്.

ഈ പദ്ധതിയിലൂടെ നിരവധി തൊഴിൽ അവസരങ്ങൾ സൃഷ്ടിക്കാനാകും. കാർഷിക മേഖലയും കർഷകരും അഭിവൃദ്ധി പ്രാപിക്കും. ലോകോത്തര ഉത്പന്ന ​ഗുണനിലവാരം ഉറപ്പാക്കുന്ന അത്യാധുനിക പാക്കേജിങ് ലൈനുകൾ, ​ഗവേഷണ ലാബുകൾ, അത്യാധുനിക പ്രോസസിങ് സംവിധാനങ്ങൾ എന്നിവ ഉൾപ്പെടുന്നു. ഓറഞ്ച്, നാരങ്ങ, നെല്ലിക്ക, മാതളനാരങ്ങ, പേരക്ക, മുന്തിരി, കാരറ്റ്, മാമ്പഴം, തക്കാളി തുടങ്ങിയവ പ്ലാന്റിൽ സംസ്കരിക്കും. കയറ്റുമതി നിലവാരമുള്ള ഉത്പന്നങ്ങൾ ഇന്ത്യൻ ഉപഭോക്താക്കൾക്ക് വാ​ഗ്ദാനം ചെയ്യുന്നതിനാണ് പതഞ്ജലി മുൻ​ഗണന നൽകുന്നത്.

(Disclaimer: ഈ ലേഖനം ഇന്ത്യ ഡോട്ട് കോം പ്രൈവറ്റ് ലിമിറ്റഡിന്റെ കൺസ്യൂമർ കണക്ട് വിഭാ​ഗത്തിന്റേത് ആണ്. ഇത് പണം നൽകിയിട്ടുള്ളതാണ്. ഐഡിപിഎൽ എഡിറ്റോറിയലിന് ഇതുമായി ബന്ധമില്ല. കൂടാതെ, ഈ ലേഖനത്തിന്റെ ഉള്ളടക്കത്തിലെ വസ്തുതകൾക്ക് ഐഡിപിഎല്ലിന് ഉത്തരവാദിത്തമില്ല.)