ആക്രമണത്തില് ജീവന് നഷ്ടമായ എല്ലാവര്ക്കും ഇന്ത്യന് സുപ്രീം കോടതി ആദരാഞ്ജലി അര്പ്പിച്ചു.
)
ഡല്ഹി: ജമ്മു കശ്മീരിലെ പഹല്ഗാമില് ചൊവ്വാഴ്ച നടന്ന ഭീകരാക്രമണത്തില് സുപ്രീം കോടതി ബുധനാഴ്ച അഗാധമായ ദുഃഖം പ്രകടിപ്പിച്ചു. ആക്രമണം മനഃസാക്ഷിയെ പിടിച്ചുകുലുക്കിയെന്നും സുപ്രീം കോടതി പറഞ്ഞു. പൈശാചിക മനസ്സുളളവര്ക്കേ ഇങ്ങനെ ചെയ്യാനാവൂവെന്നും സുപ്രീംകോടതി കൂട്ടിചേര്ത്തു.
''ബുദ്ധിശൂന്യമായ ഈ അക്രമണം മനസ്സാക്ഷിയെ ഞെട്ടിക്കുന്നതാണ്. തീവ്രവാദം അഴിച്ചുവിടുന്ന ക്രൂരതയുടെയും മനുഷ്യത്വരാഹിത്യത്തിന്റെയും ഓര്മ്മപ്പെടുത്തലാണിത്. ആക്രമണത്തില് ജീവന് നഷ്ടമായ എല്ലാവര്ക്കും ഇന്ത്യന് സുപ്രീം കോടതി ആദരാഞ്ജലി അര്പ്പിക്കുന്നു.''- ഭീകരാക്രമണത്തെ അപലപിച്ചുകൊണ്ട് സുപ്രീം കോടതി പുറത്തിറക്കിയ പ്രസ്താവനയില് പറയുന്നു.
ആക്രമണത്തില് ജീവന് നഷ്ടമായവര്ക്കും അവരുടെ കുടുംബങ്ങള്ക്കും ഐക്യദാര്ഢ്യം പ്രകടിപ്പിച്ചുകൊണ്ട്, സുപ്രീം കോടതിയിലെ ജഡ്ജിമാര്, അഭിഭാഷകര്, മറ്റ് ജീവനക്കാര് എന്നിവര് ഉച്ചയ്ക്ക് 2 മണിക്ക് മൗനം ആചരിച്ചു.
പഹല്ഗാമില് വിനോദസഞ്ചാരികള്ക്ക് നേരെ തീവ്രവാദികള് നടത്തിയ ആക്രമണത്തില് 26 പേര് കൊല്ലപ്പെടുകയും 10 പേര്ക്ക് പരിക്കേല്ക്കുകയും ചെയ്തുവെന്നാണ് റിപ്പോര്ട്ട്. ഭീകര സംഘടനയായ ലഷ്കര്-ഇ-തൊയ്ബ (എല്ഇടി)യുടെ നിഴല് സംഘടനയായ റെസിസ്റ്റന്സ് ഫ്രണ്ട് (ടിആര്എഫ്) ആക്രമണത്തിന്റെ ഉത്തരവാദിത്തം ഏറ്റെടുത്തതായി കേന്ദ്ര ഏജന്സികള് അറിയിച്ചു.
പഹല്ഗാമിലും, അനന്ത്നാഗിലുമുളള ആശുപത്രികളിലേക്ക് പരിക്കേറ്റവരെ മാറ്റിയിട്ടുണ്ട്. ബുധനാഴ്ച്ച പുലര്ച്ചെ 26 മൃതദേഹങ്ങളും ശ്രീനഗറിലെത്തിച്ചു. ചൊവ്വാഴ്ച ഉച്ചയ്ക്ക് രണ്ടരയോടെയാണ് രാജ്യത്തെ നടുക്കിയ സംഭവം ഉണ്ടായത്. വിനോദസഞ്ചാരികള്ക്ക് നേരെ ചാടി വീണ ഭീകരര് മതം ചോദിച്ചതിന് ശേഷം വെടിയുതിര്ക്കുകയായിരുന്നു.
സംഭവത്തില് പാക്കിസ്ഥാനുനമായുള്ള നയതന്ത്ര ബന്ധം പൂര്ണമായും ഇന്ത്യ അവസാനിപ്പിച്ചേക്കും എന്നാണ് ഏറ്റവും പുതിയ വിവരം. ഇന്ത്യന് ഹൈക്കമ്മിഷന് കാര്യാലയത്തിന്റെ പ്രവര്ത്തനവും അവസാനിപ്പിച്ചേക്കും. സിന്ധു നദീജല കരാര് റദ്ദാക്കിയേക്കുമെന്നും സൂചനയുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
