 "Tamil Thembu Festival: തമിഴ് തെമ്പ് ഉത്സവത്തിന് ആവേശം പകർന്ന് കാളവണ്ടിയോട്ടമത്സരം")
കോയമ്പത്തൂർ: ഇഷ ഫൗണ്ടേഷനിൽ നടന്നുവരുന്ന തെമ്പ് ഉത്സവത്തിൻ്റെ ഭാഗമായി കാളവണ്ടി ഓട്ടമത്സരം നടന്നു. ആലന്തുറൈക്ക് സമീപം ഇന്നലെ നടന്ന പരിപാടിയിൽ കോയമ്പത്തൂർ നോർത്ത് ജില്ലാ ഡിഎംകെ സെക്രട്ടറി തിരു തൊണ്ടമുത്തൂർ രവി വിശിഷ്ടാതിഥിയായി പങ്കെടുക്കുകയും വിജയികൾക്ക് സമ്മാനങ്ങൾ വിതരണം ചെയ്യുകയും ചെയ്തു.
തമിഴ് പൈതൃകത്തിൻ്റെ മഹത്വം വിളിച്ചോതുന്ന തെമ്പ് ഉത്സവം ആദിയോഗിക്ക് മുമ്പിൽ ഫെബ്രുവരി 27 മുതൽ കഴിഞ്ഞ 11 ദിവസമായി നടന്നുവരികയാണ്. ഈ ഉത്സവത്തിന്റെ ഭാഗമായി ആണ് ആലന്തുറൈക്ക് സമീപമുള്ള നാതേഗൗണ്ടൻപുതൂർ ഗ്രാമത്തിൽ കാളവണ്ടി ഓട്ടമത്സരം സംഘടിപ്പിച്ചത്. കോയമ്പത്തൂർ, തിരുപ്പൂർ, മറ്റ് കൊങ്കു പ്രദേശങ്ങളിൽ നിന്നായി 100-ലധികം മത്സരാർത്ഥികളാണ് ഈ മത്സരത്തിൽ പങ്കെടുത്തത്.
200 മീറ്റർ, 300 മീറ്റർ എന്നിങ്ങനെ രണ്ട് വിഭാഗങ്ങളിലായാണ് റെക്ല മത്സരം നടന്നത്. രണ്ട് വിഭാഗങ്ങളിലെയും വിജയികൾക്ക് 1,00,000 രൂപയും രണ്ടാം സ്ഥാനക്കാർക്ക് 50,000 രൂപയും മൂന്നാം സ്ഥാനക്കാർക്ക് 20,000 രൂപയും നാലാം സ്ഥാനക്കാർക്ക് 14,000 രൂപയും സമ്മാനമായി നൽകി. കൂടാതെ, അഞ്ച് മുതൽ 15 വരെ സ്ഥാനങ്ങളിൽ എത്തിയ മത്സരാർത്ഥികൾക്ക് 3,000 രൂപ വീതവും 16 മുതൽ 30 വരെ സ്ഥാനങ്ങളിൽ എത്തിയവർക്ക് 2,000 രൂപ വീതവും ക്യാഷ് അവാർഡ് നൽകി. കൂടാതെ എല്ലാ മത്സരാർത്ഥികൾക്കും മെഡലുകളും നൽകി.
മാർച്ച് ഏഴ് മുതൽ ഇവിടെ കന്നുകാലി, കുതിര ചന്തകളും നടന്നുവരുന്നുണ്ട്. കാങ്കയം, പുങ്കനൂർ, താർപാർക്കർ, ഗിർ, സാഹിവാൾ, ബാർഗൂർ എന്നിവയുൾപ്പെടെ പത്തിലധികം നാടൻ ഇനങ്ങൾ ഇവിടെ പ്രദർശനത്തിനുണ്ട്. റെക്ല മത്സരത്തിനായുള്ള കാളകൾ, ജെലിക്കെട്ട് കാളകൾ, അത്യുൽപാദനക്ഷമതയുള്ള നാടൻ കറവ പശുക്കൾ എന്നിവ ഉത്സവത്തിലെ പ്രധാന ആകർഷണങ്ങളായി. അതുപോലെ മാർവാരി, നാടൻ കുതിരകളെയും വിൽപ്പനയ്ക്കായി കൊണ്ടുവന്നിരുന്നു.
കഴിഞ്ഞ മൂന്ന് ദിവസങ്ങളിലായി കന്നുകാലികൾക്ക് തീറ്റ, വെള്ളം, തണൽ എന്നിവ ഇഷ ഒരുക്കിയിരുന്നു. കൂടാതെ ചന്തയിലെത്തിയ സന്ദർശകർക്ക് താമസ സൗകര്യവും ഭക്ഷണവും ഇവിടെ ഒരുക്കിയിരുന്നു. തമിഴ് തെമ്പു ഉത്സവത്തിൽ തമിഴ്നാടിന്റെ ജിഐ ടാഗ് ചെയ്ത ഉൽപ്പന്നങ്ങളുടെ പ്രദർശനങ്ങൾ, പരമ്പരാഗത കലാ ശില്പശാലകൾ, നാടോടി പ്രകടനങ്ങൾ, പൈതൃക ഭക്ഷണ സ്റ്റാളുകൾ എന്നിവയും ഉണ്ടായിരുന്നു. ദിവസേന ആയിരക്കണക്കിന് സന്ദർശകരാണ് ഇവ കാണാനെത്തിയത്. ഫെബ്രുവരി 27 മുതൽ മാർച്ച് 9 വരെയാണ് ഉത്സവം നടത്താൻ ആദ്യം നിശ്ചയിച്ചിരുന്നത്. ജനപ്രീതി കൂടിയതിനാൽ ഉത്സവം ഒരു ദിവസം കൂടി നീട്ടിയിരിക്കുകയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
