CBSE Results 2025: ഇന്നും നാളെയുമായി സിബിഎസ്ഇ 10, 12 ക്ലാസുകളുടെ ഫലം പ്രഖ്യാപിക്കുമെന്ന റിപ്പോർട്ടുകളാണ് ഇപ്പോൾ പുറത്തുവരുന്നത്.
)
CBSE 10th 12th Exam Results 2025: ന്യൂഡൽഹി: സിബിഎസ്ഇ 10, 12 ക്ലാസുകളുടെ ഫലത്തിനായി കാത്തിരിക്കുകയാണ് വിദ്യാർത്തികളും രക്ഷകർത്താക്കളും. തിയതിയും സമയവും ഔദ്യോഗികമായി പ്രഖ്യാപിച്ചിട്ടില്ലെങ്കിലും ഇന്നോ നാളെയോ ഫലപ്രഖ്യാപനമുണ്ടായേക്കാം എന്ന സൂചനയാണ് ലഭിക്കുന്നത്. cbse.gov.in, cbseresults.nic.in, and results.cbse.nic.in. എന്നീ ഔദ്യോഗിക വെബ്സൈറ്റുകളിലൂടെ ഫലം അറിയാൻ കഴിയും. റോൾ നമ്പർ, അഡ്മിറ്റ് കാർഡ് ഐഡി, സ്കൂൾ കോഡ്, ജനനത്തീയതി തുടങ്ങിയ ലോഗിൻ വിവരങ്ങൾ ഉപയോഗിച്ച് വിദ്യാർത്ഥികൾക്ക് ഫലം അറിയാൻ കഴിയും. കൂടാതെ ഉമാംഗ് ആപ്പ്, ഡിജിലോക്കർ, എസ്എംഎസ് തുടങ്ങിയ സംവിധാനങ്ങളിലൂടെയും വിദ്യാർത്ഥികൾക്ക് ഫലം അറിയാൻ സാധിക്കും.
പാസാകാൻ വേണ്ടത് എത്ര?
സിബിഎസ്ഇ ഫലം വരാനായി കാത്തിരിക്കുന്ന വിദ്യാർത്ഥികളാണോ നിങ്ങൾ? പരീക്ഷ പാസാകാൻ എത്ര മാർക്കാണ് വേണ്ടതെന്ന് നിങ്ങൾക്ക് അറിയാമോ? തിയറി, പ്രാക്ടിക്കൽ വിഷയങ്ങളിൽ കുറഞ്ഞത് 33 ശതമാനം മാർക്ക് നേടിയാൽ മാത്രമെ നിങ്ങൾക്ക് വിജയിക്കാൻ സാധിക്കുകയുള്ളൂ. ഒന്നോ രണ്ടോ മാർക്ക് കുറഞ്ഞവർക്ക് ഗ്രേസ് മാർക്ക് നൽകി ജയിപ്പിച്ച് വിടും.
പുനപരീക്ഷ
ഒരു വിദ്യാർത്ഥി ഒന്നോ രണ്ടോ പരീക്ഷകളിൽ പരാജയപ്പെട്ടാൽ കമ്പാർട്ട്മെന്റ് പരീക്ഷ അഥവാ സപ്ലി എഴുതാനുള്ള അവസരം ലഭിക്കും. എന്നാൽ രണ്ടിൽ കൂടുതൽ വിഷയങ്ങളിൽ പരാജയപ്പെടുകയാണെങ്കിൽ ആ വിദ്യാർത്ഥിക്ക് അധ്യയന വർഷം വീണ്ടും പഠിക്കേണ്ടി വരും.
42 ലക്ഷത്തിലധികം വിദ്യാർത്ഥികളാണ് 2025 ഫെബ്രുവരി 15 നും ഏപ്രിൽ 4 നും ഇടയിൽ നടന്ന ബോർഡ് പരീക്ഷകൾ എഴുതിയത്. പത്താം ക്ലാസ് പരീക്ഷകൾ മാർച്ച് 18 ന് അവസാനിച്ചിരുന്നു. 12-ാം ക്ലാസ് പരീക്ഷകൾ ഏപ്രിൽ 4 നും അവസാനിച്ചു. നിശ്ചിത മാർക്ക് ശ്രേണികളെ അടിസ്ഥാനമാക്കിയാണ് മുൻപ് ഗ്രേഡുകൾ നൽകിയിരുന്നത്. എന്നാൽ ഇത്തവണ വിദ്യാർത്ഥികളെ അവരുടെ സഹപാഠികളുമായി താരതമ്യപ്പെടുത്തി വിലയിരുത്തുന്നു. ഒരു ഗ്രൂപ്പിലെ ഒരു വിദ്യാർത്ഥിയുടെ പ്രകടനത്തെ അടിസ്ഥാനമാക്കിയാണ് ഇപ്പോൾ ഗ്രേഡുകൾ നിർണ്ണയിക്കുന്നത്. അക്കാദമിക് സമ്മർദ്ദവും അനാരോഗ്യകരമായ മത്സരവും കുറയ്ക്കുന്നതിനായാണ് സിബിഎസ്ഇ പുതിയ ഗ്രേഡിംഗ് സംവിധാനം അവതരിപ്പിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
