CBSE 10th Result 2025: തിരുവനന്തപുരവും വിജയവാഡയുമാണ് വിജയശതമാനത്തിൽ മുന്നിൽ നിൽക്കുന്ന മേഖലകൾ
)
സിബിഎസ്ഇ പത്താം ക്ലാസ് ഫലം പ്രഖ്യാപിച്ചു. 93.66 ശതമാനം വിജയം. കഴിഞ്ഞ വർഷത്തെക്കാൾ 0.06 ശതമാനം അധികം വിജയം ലഭിച്ചു. പെൺകുട്ടികളാണ് ഏറ്റവുമധികം വിജയം കൈവരിച്ചിരിക്കുന്നത്. 95 ശതമാനം പെണ്കുട്ടികൾ ഇത്തവണ സിബിഎസ്ഇ പത്താം ക്ലാസ് പരീക്ഷ വിജയിച്ചു. 92.63 ശതമാനം ആൺകുട്ടികളും പരീക്ഷയിൽ വിജയിച്ചു. 23,71,939 വിദ്യാർത്ഥികളാണ് ഇത്തവണ പരീക്ഷ എഴുതിയത്. തിരുവനന്തപുരവും വിജയവാഡയുമാണ് വിജയശതമാനത്തിൽ മുന്നിൽ നിൽക്കുന്ന മേഖലകൾ. 99.76 ശതമാനമാണ് ഇവിടങ്ങളിലെ വിജയശതമാനം.
അതേസമയം, സിബിഎസ്ഇ പന്ത്രണ്ടാം ക്ലാസ് ഫലവും പ്രഖ്യാപിച്ചു. 88.39 ശതമാനം വിജയം. കഴിഞ്ഞ വർഷത്തെക്കാൾ 0.41 ശതമാനം കൂടുതലാണ് ഈ വർഷത്തെ വിജയശതമാനം. ഏറ്റവും കൂടുതൽ വിജയശതമാനം വിജയവാഡയ്ക്കാണ്. 99.6 ശതമാനമാണ് വിജയവാഡയുടെ വിജയം. രണ്ടാം സ്ഥാനത്ത് തിരുവനന്തപുരം മേഖലയാണ്. 99.32 ശതമാണ് തിരുവനന്തപുരം മേഖലയുടെ വിജയശതമാനം. ഏറ്റവും കൂടുതൽ വിജയശതമാനം കരസ്ഥമാക്കിയിരിക്കുന്നത് ഇത്തവണയും പെൺകുട്ടികളാണ്. 91.64 ശതമാനമാണ് പെൺകുട്ടികളുടെ വിജയശതമാനം. ആൺകുട്ടികളുടെ വിജയശതമാനം 85.7 ശതമാനമാണ്. പരീക്ഷയെഴുതിയ പെൺകുട്ടികളിൽ 91 ശതമാനത്തിലധികം കുട്ടികളും വിജയം നേടി.
റിസർട്ടുകൾ cbse.gov.in അല്ലെങ്കിൽ results.cbse.nic.in എന്ന ഔദ്യോഗിക വെബ്സൈറ്റുകളിൽ ഫലം ലഭ്യമാകും. റോൾ നമ്പർ, ജനനത്തീയതി, സ്കൂൾ നമ്പർ തുടങ്ങിയ ലോഗിൻ വിവരങ്ങൾ നൽകിയ ശേഷം വിദ്യാർത്ഥികൾക്ക് ഔദ്യോഗിക വെബ്സൈറ്റുകളിൽ ഫലം പരിശോധിക്കാം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
