 "Masappadi Case: മാസപ്പടി കേസിൽ സിഎംആർഎൽ ഹർജി ബുധനാഴ്ച പരിഗണിക്കും; എസ്എഫ്ഐഒയ്ക്ക് നോട്ടീസയച്ച് ഡൽഹി ഹൈക്കോടതി")
ന്യൂഡൽഹി: മുഖ്യമന്ത്രി പിണറായി വിജയന്റെ മകൾ വീണ ഉൾപ്പെട്ട മാസപ്പടിക്കേസിൽ സിഎംആർഎല്ലിന്റെ ഹര്ജിയിൽ ഡൽഹി ഹൈക്കോടതി മറ്റന്നാള് വാദം കേള്ക്കും. കേസിൽ തുടർനടപടികൾ തടയണമെന്നാണ് ഹര്ജിയില് ആവശ്യപ്പെട്ടിരിക്കുന്നത്. ഇത് സംബന്ധിച്ച് എസ്എഫ്ഐഓയ്ക്കും കേന്ദ്ര കമ്പനികാര്യമന്ത്രാലയത്തിനും കോടതി നോട്ടീസയച്ചു. വിഷയത്തിൽ നാളെ തന്നെ മറുപടി നല്കണമെന്നാണ് നിർദ്ദേശം നൽകിയിരിക്കുന്നത്.
അതേസമയം അന്വേഷണത്തിനെതിരെ സിഎംആർഎൽ നല്കിയ പ്രധാന ഹര്ജിയിലും കോടതി മറ്റന്നാള് വാദം കേള്ക്കും. ഈ ഹര്ജി തീര്പ്പാക്കും വരെ തുടര്നടപടികളുണ്ടാകില്ലെന്ന് ഹൈക്കോടതിയിലെ മറ്റൊരു ബെഞ്ച് നേരത്തെ വാക്കാല് പറഞ്ഞിരുന്നു. അത് ലംഘിക്കപ്പെട്ടെന്നായിരുന്നു സിഎംആർഎൽ വാദിച്ചത്. എന്നാൽ ഈ വാദം കോടതി അംഗീകരിച്ചില്ല.
കേസിൽ കുറ്റപത്രം സമർപ്പിച്ചതിനാൽ ഹർജി നിലനിൽക്കുമോ എന്ന് ജഡ്ജി ഗീരീഷ് കപ്താൽ ആരാഞ്ഞു. എന്നാൽ മുൻ ഉറപ്പ് അന്വേഷണ ഏജൻസി പാലിച്ചില്ലെന്ന് സിഎംആർഎല്ലിനായി ഹാജരായ മുതിര്ന്ന അഭിഭാഷകന് കപിൽ സിബൽ പറഞ്ഞു. ഓൺലൈനായാണ് ഇദ്ദേഹം ഹാജരായത്. കേസില് കൊച്ചിയിലെ കോടതിയില് തുടർനടപടികൾ തുടങ്ങാനിരിക്കെയാണ് സിഎംആർഎൽ ഹൈക്കോടതിയില് ഹര്ജി സമർപ്പിച്ചത്. ഹൈക്കോടതിയുടെ അനുമതി കൂടാതെ വിചാരണ തുടങ്ങരുതെന്നും ഹര്ജിയില് ആവശ്യപ്പെട്ടിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
