Cyclone Montha: ‘മൊന്‍ത’ ചുഴലിക്കാറ്റ് തീരത്തോട് അടുക്കുന്നു; ആന്ധ്രാപ്രദേശില്‍ കനത്ത ജാഗ്രത

അമരാവതി: മൊൻത ചുഴലിക്കാറ്റ് തീരത്തോടടുക്കുന്നു. മച്ചലിപട്ടണത്തിന് 70 കിലോമീറ്റർ അകലെയാണ് നിലവിൽ ചുഴലിക്കാറ്റ് എത്തിയിരിക്കുന്നത്. ചുഴലിക്കാറ്റ് തീരത്തോട് അടുക്കുന്നതിനാൽ ആന്ധ്രാപ്രദേശിൽ കനത്ത ജാ​ഗ്രത നിർദേശം നൽകിയിരിക്കുകയാണ്. ആളുകൾ പുറത്തിറങ്ങരുത്. മണിക്കൂറിൽ 110 കിലോമീറ്റർ വേ​ഗതയിലാണ് ചുഴലിക്കാറ്റായാണ് മൊൻത തീരം തൊടുക. ആന്ധ്ര ഒഡീഷ തീരങ്ങളിൽ ഇന്നലെ മുതൽ കനത്ത മഴയും കാറ്റും തുടരുകയാണ്. താഴ്ന്ന പ്രദേശങ്ങളിൽ താമസിക്കുന്ന ആളുകളെ പൂർണമായും ഒഴിപ്പിച്ചു. ചുഴലിക്കാറ്റ് തീരം തൊടുന്ന സമയം ഒരു കാരണവശാലും പുറത്ത് ഇറങ്ങരുതെന്നാണ് നിർദേശം.