 "Dehradun Cloudburst: ദെഹ്റാദൂണ് മേഘവിസ്ഫോടനത്തിൽ രണ്ട് പേരെ കാണാതായി, രക്ഷാപ്രവർത്തനങ്ങൾ തുടരുന്നു")
ഉത്തരാഖണ്ഡ്: ദെഹ്റാദൂണിൽ മേഘവിസ്ഫോടനത്തിൽ രണ്ട് പേരെ കാണാതായി. മേഖലയിൽ തുടർച്ചയായി പെയ്ത മഴയെ തുടർന്നാണ് തിങ്കളാഴ്ച രാത്രിയിൽ മേഘവിസ്ഫോടനം ഉണ്ടായത്. മേഘവിസ്ഫോടനത്തെ തുടർന്ന് വ്യാപക നാശനഷ്ടങ്ങളും ഉണ്ടായി. നിരവധി സ്ഥലങ്ങളിൽ വെള്ളം കയറി. മണ്ണിടിച്ചിലിൽ കാറുകളും കെട്ടിടങ്ങളും ഒലിച്ചുപോയി.
സംസ്ഥാന ദുരന്ത നിവാരണ സേന രക്ഷാപ്രവർത്തനം ആരംഭിച്ചു. കനത്ത മഴയെത്തുടർന്നുണ്ടായ വെള്ളപ്പൊക്കം പ്രദേശവാസികളിൽ പരിഭ്രാന്തി സൃഷ്ടിച്ചു. പ്രാഥമിക റിപ്പോർട്ട് പ്രകാരം, പ്രദേശത്തിലെ പ്രധാന ഹോട്ടലുകളും സ്റ്റാളുകളും പൂർണ്ണമായും തകർന്നു.
BREAKING: A major cloudburst has hit near Dehradun, Uttarakhand, India. Heavy rain has triggered a flash flood in the Sahastradhara area, and at least two people are reported missing. pic.twitter.com/OrBHzgkDXC
— Volcaholic (@volcaholic1) September 16, 2025
ഇന്നലെ രാത്രി മുതൽ രക്ഷാപ്രവർത്തനങ്ങൾക്കും ദുരിതാശ്വാസ പ്രവർത്തനങ്ങൾക്കും ജില്ലാ മജിസ്ട്രേറ്റ് സവിൻ ബൻസാലും, എസ്ഡിഎം ജോഷിയും നേതൃത്വം നൽകി. കാണാതായ രണ്ട് പേരെ കണ്ടെത്തുന്നതിനും രക്ഷാപ്രവർത്തനം നടത്തുന്നതിനുമായി എസ്ഡിആർഎഫ്, എൻഡിആർഎഫ് ടീമുകളെ പൊതുമരാമത്ത് വകുപ്പ് വിന്യസിച്ചിട്ടുണ്ട്.
മേഘവിസ്ഫോടനം നടന്ന സ്ഥലത്തിന് സമീപം താമസിച്ചിരുന്ന താമസക്കാരെ മുൻകരുതൽ നടപടിയുടെ ഭാഗമായി ഉടൻ തന്നെ ഒഴിപ്പിച്ച് സുരക്ഷിത സ്ഥലങ്ങളിലേക്ക് മാറ്റി. ഡെറാഡൂൺ, ബാഗേശ്വർ, ചമ്പാവത്, നൈനിറ്റാൾ എന്നിവയുൾപ്പെടെ ചില ജില്ലകളിൽ അതിശക്തമായ മഴയ്ക്ക് സാധ്യതയുള്ളതിനാൽ കാലാവസ്ഥാ കേന്ദ്രം ഓറഞ്ച് അലേർട്ട് പുറപ്പെടുവിച്ചിട്ടുണ്ട്. സെപ്തംബർ 20 വരെ ഉത്തരാഖണ്ഡിൽ കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)