 "Vehicles: പെട്രോള്, ഡീസല്,സിഎന്ജി വാഹനങ്ങള് നിരോധിക്കാനൊരുങ്ങി ഡല്ഹി")
ഡല്ഹി : ഡല്ഹിയിലെ വാഹനങ്ങളില് വലിയ മാറ്റങ്ങള് വരാന് പോകുന്നു. വായു മലിനീകരണം കുറയ്ക്കുക എന്ന ലക്ഷ്യത്തോടെ പുതുക്കിയ ഇലക്ട്രിക് വെഹിക്കിള് (ഇവി) നയം 2.0 പുറത്തിറക്കാന് ഒരുങ്ങുകയാണ് ഡല്ഹി സര്ക്കാര്.
2025 ഓഗസ്റ്റ് 15 മുതല് പുതിയ സിഎന്ജി ഓട്ടോറിക്ഷകള് രജിസ്റ്റര് ചെയ്യില്ല, നിലവിലുള്ള സിഎന്ജി ഓട്ടോ പെര്മിറ്റുകളും പുതുക്കില്ല. ഭാവിയില് ഇലക്ട്രിക് ഓട്ടോറിക്ഷകള് മാത്രമേ അനുവദിക്കൂ. പോളിസി കാലയളവില് പഴയ സിഎന്ജി ഓട്ടോകള് ,10 വര്ഷത്തിലധികം പഴക്കമുള്ളവ, ബാറ്ററിയിലേക്ക് മാറ്റിസ്ഥാപിക്കേണ്ടതുണ്ട്.
ഇത് ഒരു വലിയ പദ്ധതിയുടെ ഒരു ഭാഗം മാത്രമാണ്. ഖരമാലിന്യ സംസ്കരണത്തിലും പൊതുഗതാഗതത്തിലും ഉപയോഗിക്കുന്ന എല്ലാ ഫോസില് ഇന്ധന വാഹനങ്ങളും, ഡി.ടി.സി.യും ഡി.ഐ.എം.ടി.എസും നടത്തുന്ന ബസുകള് ഉള്പ്പെടെ ഇലക്ട്രിക് മോഡലുകളിലേക്ക് മാറ്റാനും സര്ക്കാര് ലക്ഷ്യമിടുന്നു.
പെട്രോള്, ഡീസല്, സിഎന്ജി എന്നിവയില് ഓടുന്ന മുച്ചക്ര ചരക്ക് വാഹനങ്ങള്ക്കും 2025 ഓഗസ്റ്റ് 15 മുതല് പുതിയ രജിസ്ട്രേഷനുകള് നിരോധിക്കും. 2026 ഓഗസ്റ്റ് 15 മുതല് എല്ലാ പെട്രോള്, ഡീസല്, സിഎന്ജി ഇരുചക്ര വാഹനങ്ങള്ക്കും ഡല്ഹി റോഡുകളില് അനുമതി ഉണ്ടായിരിക്കില്ല.
സ്വകാര്യ കാര് ഉടമകള്ക്കും മാറ്റം ബാധകമാണ്. ഇതിനകം രണ്ട് വാഹനങ്ങള് രജിസ്റ്റര് ചെയ്തിട്ടുളളവര്ക്ക്, മൂന്നാമത്തെ വാഹനമായി മാത്രമേ ഇലക്ട്രിക് വാഹനം വാങ്ങാന് അനുവാദമുള്ളൂ.
മുന് വൈദ്യുത വാഹന നയം മാര്ച്ച് 31 ന് അവസാനിച്ചു, എന്നാല് പുതിയ പതിപ്പിന് അന്തിമരൂപം നല്കുന്നതിനായി 15 ദിവസം കൂടി നീട്ടി. പുതുക്കിയ നയം ഇപ്പോള് ഡല്ഹി മന്ത്രിസഭയുടെ അംഗീകാരത്തിനായി കാത്തിരിക്കുകയാണ്. അതെസമയം ഡല്ഹിയുടെ വായുവിന്റെ ഗുണനിലവാരം മെച്ചപ്പെടുത്തുന്നതിലും ഫോസില് ഇന്ധനങ്ങളെ ആശ്രയിക്കുന്നത് കുറയ്ക്കുന്നതിലും ഇത് ഒരു പ്രധാന പങ്ക് വഹിക്കുമെന്ന് ഉദ്യോഗസ്ഥര് അഭിപ്രായപ്പെട്ടു.
2024-25 സാമ്പത്തിക വര്ഷത്തില്, രാജ്യത്തുടനീളം വിറ്റഴിക്കപ്പെട്ട മൊത്തം 26.2 ദശലക്ഷം വാഹനങ്ങളില് 3 ശതമാനവും ഡല്ഹിയിലായിരുന്നു. ഇതില്, ഇരുചക്ര വാഹന വില്പ്പനയുടെ 2 ശതമാനവും, 0.7 ദശലക്ഷം മുച്ചക്ര വാഹനങ്ങളും, കാര് വില്പ്പനയുടെ 5 ശതമാനവും ഡല്ഹിയിലായിരുന്നു. പുതിയ രജിസ്ട്രേഷനുകളില് 53 ശതമാനവുമായി ഇലക്ട്രിക് മുച്ചക്ര വാഹനങ്ങള് മുന്നിലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
