TRAI: വ്യാജ കോളുകൾക്ക് പൂട്ട് വീണു; 1.75 ലക്ഷം നമ്പറുകൾ ബ്ലോക്ക് ചെയ്തു

സ്പാം കോളുകൾക്ക് തടയിടാൻ രാജ്യത്തുടനീളം 1.75 ലക്ഷം ഫോൺ നമ്പറുകൾ ബ്ലോക്ക് ചെയ്ത് ടെലികമ്മ്യൂണിക്കേഷൻസ് വകുപ്പ്. ടെലികോം റെഗുലേറ്ററി അതോറിറ്റി ഓഫ് ഇന്ത്യ (TRAI)യുടെ പുതിയ ആന്റി-സ്പാം നിയന്ത്രണങ്ങളുടെ ഭാഗമായാണ് ഈ നീക്കം. വഞ്ചനാപരമായ മാർക്കറ്റിംഗ് കോളുകളും നിയമ വിരുദ്ധമായ ടെലികമ്മ്യൂണിക്കേഷൻ പ്രവർത്തനങ്ങളും തടയുക എന്ന ലക്ഷ്യത്തോടെയാണ് നീക്കം. 

ട്രായിയുടെ പുതിയ അൺസോളിസിറ്റഡ് കൊമേഴ്‌സ്യൽ കമ്മ്യൂണിക്കേഷൻസ് (യുസിസി) നിയമങ്ങൾ പ്രകാരമാണ് ടെലികമ്മ്യൂണിക്കേഷൻസ് വകുപ്പ് ഈ നടപടി സ്വീകരിച്ചത്. ഇതിനായി ടെലികമ്മ്യൂണിക്കേഷൻസ് വകുപ്പ് പൊതുജന പങ്കാളിത്തത്തോടെ ഒരു ആന്റി-സ്പാം കാമ്പയിൻ ആരംഭിച്ചു. ടെലികമ്മ്യൂണിക്കേഷൻ വകുപ്പിന്റെ സഞ്ചാര്‍ സതി പോർട്ടൽ വഴിയാണ് ആളുകൾ ഈ നമ്പറുകളെക്കുറിച്ച് പരാതിപ്പെട്ടത്. ഈ നമ്പറുകൾ ഉപയോഗിച്ചിരുന്നവർക്ക് കനത്ത പിഴ ചുമത്തുമെന്നും ടെലികമ്മ്യൂണിക്കേഷൻസ് വകുപ്പ് അറിയിച്ചു.

ടെലികമ്മ്യൂണിക്കേഷൻസ് വകുപ്പ് അവരുടെ ഔദ്യോഗിക എക്സ് ഹാൻഡിൽ വഴിയാണ് ഈ വിവരം നൽകിയിരിക്കുന്നത്. 1.75 ലക്ഷം നേരിട്ടുള്ള ഇൻവേഡ് ഡയലിംഗ് അഥവാ ഡിഐഡി,  ലാൻഡ്‌ലൈൻ നമ്പറുകൾ ബ്ലോക്ക് ചെയ്‌തതായി ടെലികമ്മ്യൂണിക്കേഷൻസ് വകുപ്പ് പോസ്റ്റിൽ പറഞ്ഞു. വ്യാജ മാർക്കറ്റിംഗ് കോളുകൾ വിളിക്കാൻ ഈ നമ്പറുകൾ ഉപയോഗിച്ചിരുന്നു. കൂടാതെ, ഈ നമ്പറുകൾ മറ്റ് നിയമവിരുദ്ധ പ്രവർത്തനങ്ങൾക്കും ഉപയോഗിച്ചിരുന്നതായും ടെലികമ്മ്യൂണിക്കേഷൻസ് വകുപ്പ് പറയുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.