 "പ്രസവം കഴിഞ്ഞ് രണ്ടാം ദിനം പരീക്ഷ; ഗോത്ര വിഭാഗത്തിലെ ആദ്യ വനിതാ ജഡ്ജിയായി ശ്രീപതി")
തമിഴ്നാട്ടിലെ ഗോത്ര വിഭാഗത്തിൽ നിന്നുള്ള ആദ്യ വനിതാ ജഡ്ജി എന്ന നേട്ടം കരസ്ഥമാക്കി 23 കാരിയായ ശ്രീപതി. തന്റെ പ്രസവം കഴിഞ്ഞ് രണ്ടാമത്തെ ദിവസമായിരുന്നു ശ്രീപതിക്ക് പരീക്ഷ. എല്ലാ വേദനകളും മറന്ന് പരീക്ഷ എഴുതിയ ശ്രീപതി മിന്നും വിജയമാണ് കരസ്ഥമാക്കിയത്. തിരുവണ്ണാമലൈ ജില്ലയിലെ പുലിയൂര് സ്വദേശിനിയാണ് ശ്രീപതി. തന്നെ ഗ്രാമത്തിൽ നിന്നും 250 കിലോമീറ്റർ അകലെയുള്ള ചെന്നൈയിൽ വന്നാണ് ശ്രീപതി പരീക്ഷ എഴുതിയത്. നിയമ വിദ്യാർത്ഥിയായ ശ്രീപതി തന്റെ പരീക്ഷ കഴിയുന്നതിനു മുന്നേ വിവാഹം കഴിക്കേണ്ടി വന്നു.
എന്നിട്ടും തന്റെ ലക്ഷ്യത്തിൽ എത്താനായി ആ 23 കാരി പ്രയത്നിച്ചു. എന്നാൽ പരീക്ഷയുടെ രണ്ടുദിവസം മുമ്പ് പ്രസവവേദന അനുഭവപ്പെട്ടു. പ്രസവശേഷം ഡോക്ടറുടെ നിർദ്ദേശങ്ങൾ പാലിച്ചുകൊണ്ടാണ് ശ്രീപതി ചെന്നൈയിൽ കാറിൽ എത്തി പരീക്ഷ എഴുതിയതും മിന്നും വിജയം കൈവരിച്ചതും തന്റെ കുഞ്ഞുമായി പബ്ലിക് സർവീസ് കമ്മീഷന് മുമ്പിൽ നിൽക്കുന്ന ശ്രീപതിയുടെ ചിത്രങ്ങളും സോഷ്യൽ മീഡിയയിൽ വൈറൽ ആവുകയാണ്.
ഇതിന് പിന്നാലെ തമിഴ്നാട് മുഖ്യമന്ത്രി എം കെ സ്റ്റാലിനും ശ്രീപതിയെ അഭിനന്ദിച്ചുകൊണ്ട് എത്തി. വലിയ സൗകര്യങ്ങളൊന്നും ഇല്ലാത്ത മലയോര ഗ്രാമത്തിൽ നിന്നും ഗോത്ര സമുദായത്തിൽപ്പെട്ട ഒരു പെൺകുട്ടി ഈ വിജയം കൈവരിച്ചതിൽ ഏറെ സന്തോഷിപ്പിക്കുന്നു എന്നാണ് സ്റ്റാലിൻ ട്വിറ്ററിൽ കുറിച്ചത്. സാമൂഹ്യനീതി എന്ന വാക്ക് ഉച്ചരിക്കാൻ പോലും മടിക്കുന്ന പലർക്കും ചുട്ട മറുപടിയാണ് ശ്രീപതിയുടെ വിജയം എന്നും സ്റ്റാലിൻ കുറിച്ചു. ഡിഎംകെ സര്ക്കാരിന്റെ ദ്രവീഡിയന് മോഡല് പ്രകാരം തമിഴ് മീഡിയം വിദ്യാര്ഥികള്ക്ക് സര്ക്കാര് ജോലികളില് മുന്ഗണന നല്കുന്നതായും സ്റ്റാലിന് വ്യക്തമാക്കി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ.
)