 "Tamil Nadu Train Fire: തമിഴ്നാട്ടിൽ ചരക്ക് ട്രെയിന് തീപിടിച്ചു; ആളപായമില്ലെന്ന് റെയിൽവേ, അട്ടിമറി സംശയം, അന്വേഷണം")
)
ചെന്നൈ: തമിഴ്നാട് തിരുവള്ളൂരിൽ ഡീസൽ കയറ്റി വന്ന ചരക്ക് ട്രെയിന് തീപിടിച്ച സംഭവത്തിൽ അട്ടിമറി സംശയം. തീപിടിത്തമുണ്ടായതിന് 100 മീറ്റർ അകലെ ട്രാക്കിൽ വിള്ളൽ കണ്ടെത്തി. ചരക്കു ട്രെയിന്റെ 12 ബോഗികൾ കത്തിനശിച്ചു. 18 ബോഗികളാണ് പാളം തെറ്റിയത്. അപകടത്തിൽ ആളപായം ഇല്ലെന്നാണ് റെയിൽവേ വ്യക്തമാക്കിയത്.
അപകടത്തെ തുടർന്ന് 12 ട്രെയിനുകൾ സർവീസ് പൂർണമായും 13 ട്രെയിൻ സർവീസുകൾ ഭാഗികമായും റദ്ദാക്കി. കനത്ത പുക ഉയരുന്നതിനാൽ പ്രദേശത്ത് നിന്ന് ആളുകളെ ഒഴിപ്പിച്ചു. രണ്ട് കിലോമീറ്റർ ചുറ്റളവിൽ ഉള്ളവരെയാണ് സുരക്ഷിത ഇടങ്ങളിലേക്ക് മാറ്റിയത്. അപകടത്തിന്റെ പശ്ചാത്തലത്തിൽ ചെന്നൈ റെയിൽവേ സ്റ്റേഷനിൽ ഹെൽപ് ഡെസ്ക് ആരംഭിച്ചു.
ഞായറാഴ്ച പുലർച്ചെ 5.30ഓടെ ആയിരുന്നു അപകടമുണ്ടായത്. ഡീസൽ കയറ്റിയിരുന്ന വാഗണുകളിലാണ് തീപിടിത്തമുണ്ടായത്. തീ നിയന്ത്രണവിധേയമായെങ്കിലും പൂർണമായി അണയ്ക്കാനായിട്ടില്ല. ട്രെയിന്റെ മൂന്ന് ബോഗികൾ പാളം തെറ്റിയതിന് പിന്നാലെയാണ് തീപിടിത്തമുണ്ടായത്.
നിലവിൽ ദക്ഷിണ റെയിൽവേയുടെ പ്രധാനപ്പെട്ട ഉദ്യോഗസ്ഥരും സേഫ്റ്റി ഓഫീസറും ഉൾപ്പെടെയുള്ളവർ സ്ഥലത്തെത്തി പരിശോധന നടത്തുകയാണ്. പരിശോധനയ്ക്കിടെ നൂറ് മീറ്റർ അകലെ പാളത്തിൽ വിള്ളലുകൾ കണ്ടെത്തി. സംഭവത്തിൽ അട്ടിമറിയുണ്ടായോയെന്ന് ഉൾപ്പെടെ അന്വേഷിച്ച് വരികയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
