 "Governor vs State: ഗവർണർ ബില്ലുകൾ പിടിച്ചുവെക്കുന്നത് ഫെഡറൽ തത്വത്തിന് എതിര്; സുപ്രീം കോടതിയുടെ റഫറൻസ്")
ഡൽഹി: ഗവർണർ ബില്ല് പിടിച്ചുവെക്കുന്നതിനെതിരെ തമിഴ്നാട് സർക്കാർ നൽകിയ കേസിൽ സുപ്രീം കോടതി ഉത്തരവുമായി ബന്ധപ്പെട്ട ചോദ്യങ്ങൾക്ക് ചീഫ് ജസ്റ്റിസ് റഫറൻസ് നൽകി. 14 ചോദ്യങ്ങളടങ്ങിയ റഫറൻസിനാണ് ചീഫ് ജസ്റ്റിസ് അടങ്ങിയ ഏഴ് അംഗ ബെഞ്ച് വ്യക്തത നൽകിയത്.
ഭരണഘടനയുടെ വകുപ്പ് 200 പ്രകാരം, ഒരു ബില്ല് ലഭിക്കുമ്പോൾ ഗവർണർക്ക് അംഗീകാരം നൽകാം. അംഗീകാരം നൽകാത്ത ബില്ലുകൾ നിയമസഭയിലേക്ക് തിരിച്ചയക്കണം, അതിനാൽ ഗവർണർക്ക് അനിശ്ചിത കാലത്തേക്ക് ബില്ലുകൾ പിടിച്ചു വെക്കാൻ സാധിക്കില്ല എന്ന് കോടതി വ്യക്തമാക്കി.രാഷ്ട്രപതിക്ക് ഈ ബില്ല് അയക്കുകയോ അല്ലെങ്കിൽ നിയമസഭയിലേക്ക് തിരിച്ചയക്കുകയോ ചെയ്യാനുള്ള വിവേചന അധികാരം ഉണ്ട്. അനിയന്ത്രിതമായി പിടിച്ചു വെക്കാനുള്ള വിവേചന അധികാരം ഇല്ല. ബില്ലുകളുടെ കാര്യത്തിൽ ഗവർണർക്ക് വിവേചന അധികാരം ഉണ്ട്. ബില്ല് പാസാക്കാനുള്ള സമയപരിധി നിശ്ചയിച്ച രണ്ട് അംഗ ബഞ്ചിൻ്റെ തീരുമാനം ഭരണഘടനാ ബഞ്ച് അംഗീകരിച്ചില്ല. ബില്ലുകൾ പാസാക്കുന്നതിൽ ന്യായീകരിക്കാൻ പറ്റാത്ത തരത്തിലുള്ള കാലതാമസം നേരിട്ടാൽ കോടതിയെ സമീപിക്കാനും, ഗവർണർക്ക് നിയന്ത്രിത നിർദ്ദേശം കോടതികൾക്ക് നൽകാനും സാധിക്കുമെന്ന് സുപ്രീം കോടതി അറിയിച്ചു.
ബില്ലുകൾ നിയമം ആയാൽ മാത്രമേ സുപ്രീം കോടതിക്ക് പരിശോധിക്കാനാകൂ എന്നും, ബില്ലുകൾ ബില്ലുകൾ പരിഗണിക്കുമ്പോൾ രാഷ്ട്രപതി സുപ്രീം കോടതിയുടെ ഉപദേശം എപ്പോഴും തേടേണ്ടതില്ല എന്നും കോടതി വ്യക്തമാക്കി. ബില്ലുകളുമായി ബന്ധപ്പെട്ട് മന്ത്രിസഭ പറയുന്നതുപോലെ പ്രവർത്തിക്കാൻ ഗവർണർ ബാധ്യസ്ഥനല്ല എന്നും കോടതി പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)