Delhi Weather Report: ഡൽഹിയിൽ മോശം കാലാവസ്ഥയെ തുടർന്ന് വിമാന സർവീസുകൾ വൈകുന്നു. അതിശക്തമായ മഴയും കാറ്റും വെള്ളക്കെട്ടും റിപ്പോർട്ട് ചെയ്തിട്ടുണ്ട്.
ന്യൂഡൽഹി: ഡല്ഹിയില് കനത്ത മഴയും ശക്തമായ കാറ്റും റിപ്പോർട്ട് ചെയ്തു. രാവിലെ അഞ്ച് മണിയോടെ ആരംഭിച്ച മഴ പലയിടങ്ങളിലും ഇപ്പോഴും തുടരുകയാണ്. കനത്ത മഴയെ തുടർന്ന് താഴ്ന്ന പ്രദേശങ്ങളെല്ലാം വെള്ളത്തിനടിയിലായി. റെഡ് അലർട്ട് പ്രഖ്യാപിച്ചിട്ടുണ്ട്.
അണ്ടര് പാസുകളിലും വെള്ളം കയറിയതോടെ ഗതാഗതം ശരിക്കും താറുമാറായി. താഴ്ന്ന പ്രദേശങ്ങളിലെ വീടുകളുടെ പകുതിയോളം വെള്ളം കയറിയതായും റിപ്പോർട്ടുണ്ട്. നിരവധി വാഹനങ്ങൾ വെള്ളക്കെട്ടില് കുടുങ്ങിക്കിടക്കുന്നുണ്ട്. ശക്തമായ കാറ്റില് പലയിടത്തും മരങ്ങള് കടപുഴകിവീണതായും റിപ്പോർട്ടുണ്ട്.
വരുന്ന മൂന്ന് ദിവസത്തേക്ക് ഡല്ഹിയില് ശക്തമായ കാറ്റും മഴയും ഇടിമിന്നലും ഉണ്ടാകുമെന്ന് കേന്ദ്ര കാലാവസ്ഥാ കേന്ദ്രം അറിയിച്ചിട്ടുണ്ട്. മഴ ഡല്ഹി വിമാനത്താവളത്തിന്റെ പ്രവര്ത്തനങ്ങളെയും സാരമായി ബാധിച്ചു. യാത്രക്കാര് എയര്ലൈനുമായി ബന്ധപ്പെടണമെന്ന് ഇന്ഡിഗോയും എയര്ഇന്ത്യയും അടക്കമുള്ള എയർലൈനുകള് മുന്നറിയിപ്പ് നല്കിയിട്ടുണ്ട്.
റിപ്പോർട്ടുകളുടെ അടിസ്ഥാനത്തിൽ ദ്വാരക, ഖാൻപൂർ, സൗത്ത് എക്സ്റ്റൻഷൻ റിംഗ് റോഡ്, മിന്റോ റോഡ്, ലജ്പത് നഗർ, മോത്തി ബാഗ് തുടങ്ങിയ പ്രദേശങ്ങളിൽ കനത്ത വെള്ളക്കെട്ട് രൂപപ്പെടുകയും, ശക്തമായ കാറ്റിൽ മരങ്ങൾ കടപുഴകി വീഴുകയും ഉണ്ടായിട്ടുണ്ട്. കാലാവസ്ഥാ മുന്നറിയിപ്പ് പരിഗണിച്ച് കഴിയുന്നത്ര വീടിനുള്ളിൽ തന്നെ കഴിയാൻ ജനങ്ങൾക്ക് നിർദ്ദേശം നൽകിയിരിക്കുകയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)