India Pakistan Ceasefire: വെടിനിർത്തൽ എവിടെ? അതിർത്തിയിൽ വീണ്ടും പാക് പ്രകോപനം? വീഡിയോയുമായി ഒമർ അബ്ദുള്ള

പാകിസ്താൻ വെടിനിർത്തൽ കരാർ ലംഘിച്ചെന്ന് ജമ്മു കശ്മീർ മുഖ്യമന്ത്രി ഒമർ അബ്ദുള്ള. ശ്രീന​ഗറിലാകെ സ്ഫോടന ശബ്ദം കേട്ടെന്ന് ഒമർ അബ്ദുള്ള.

ന്യൂഡൽഹി: പാകിസ്താൻ വെടിനിർത്തൽ കരാർ ലംഘിച്ചുവെന്ന റിപ്പോർട്ടുകളാണ് പുറത്തുവരുന്നത്. വെടിനി‍ർത്തൽ പ്രഖ്യാപിച്ച് മണിക്കൂറുകൾക്കകം പാകിസ്താൻ ആക്രമണം നടത്തിയിരിക്കുകയാണെന്നാണ് റിപ്പോർട്ടുകൾ. ജമ്മു, കശ്മീർ മേഖലയിൽ പാക് ആക്രമണം ഉണ്ടായതായി റിപ്പോർട്ട്. അഖ്നൂർ, രജൗരി മേഖലയിലടക്കം പാക് പ്രകോപനമുണ്ടായി. വിവിധ മേഖലകളിൽ പാകിസ്താൻ ഷെല്ലാക്രമണവും നടത്തി. അതിർത്തിയിൽ വീണ്ടും പാകിസ്താന്റെ ഡ്രോൺ ആക്രമണമുണ്ടായിരിക്കുകയാണ്. കശ്മീരിലും സുമ്പലിലും വെടിയൊച്ച കേട്ടതായാണ് വിവരം. നൗ​ഗാമിലും പാകിസ്താൻ വെടി നിർത്തൽ ലംഘിച്ചുവെന്ന റിപ്പോർട്ടുകളും പുറത്തുവരുന്നു. 

Add Zee News as a Preferred Source

ജമ്മു കശ്മീർ മുഖ്യമന്ത്രി ഒമർ അബ്ദുള്ളയാണ് വെടിനിർത്തൽ കരാർ ലംഘനമുണ്ടായതായി ഔദ്യോ​ഗികമായി അറിയിച്ചത്. ശ്രീന​ഗറിലാകെ സ്ഫോടന ശബ്ദം കേട്ടുവെന്നാണ് ഒമർ അബ്ദുള്ള എക്സിൽ കുറിച്ചത്. ഇത് ശരിവെക്കുന്ന വീഡിയോയും അദ്ദേഹം പങ്കിട്ടിരുന്നു. 

This is no ceasefire. The air defence units in the middle of Srinagar just opened up. pic.twitter.com/HjRh2V3iNW

— Omar Abdullah (@OmarAbdullah) May 10, 2025