 "Nimisha Priya Case: നിമിഷ പ്രിയയുടെ വധശിക്ഷ റദ്ദാക്കിയെന്ന് കെഎ പോൾ; അവകാശവാദം എക്സിൽ പങ്കുവച്ച വീഡിയോയിൽ")
ന്യൂഡൽഹി: വധശിക്ഷയ്ക്ക് വിധിക്കപ്പെട്ട് യെമനിലെ ജയിലിൽ കഴിയുന്ന നിമിഷ പ്രിയയുടെ വധശിക്ഷ റദ്ദാക്കിയതായി സുവിശേഷകൻ കെഎ പോൾ. എക്സിൽ പങ്കുവച്ച വീഡിയോയിലൂടെയാണ് കെഎ പോൾ ഇക്കാര്യം അവകാശപ്പെടുന്നത്. യെമൻ തലസ്ഥാനമായ സനയിൽ നിന്നാണ് കെഎ പോൾ വീഡിയോ പങ്കുവച്ചിരിക്കുന്നത്.
ഇന്ത്യയിലെയും യെമനിലെയും നേതാക്കളുടെ കഠിന പരിശ്രമത്തിന് ഒടുവിൽ നിമിഷപ്രിയയുടെ വധശിക്ഷ റദ്ദാക്കിയെന്നാണ് കെഎ പോൾ വീഡിയോയിൽ അവകാശപ്പെടുന്നത്. എന്നാൽ, കൊല്ലപ്പെട്ട തലാലിന്റെ ഇക്കാര്യങ്ങൾ നിഷേധിച്ചുകൊണ്ട് രംഗത്തെത്തിയിരുന്നു. അതേസമയം, നിമിഷ പ്രിയയുടെ വധശിക്ഷ റദ്ദാക്കിയെന്നും ജയിൽ മോചിതയാക്കാൻ ശ്രമം തുടരുന്നുവെന്നുമാണ് കെഎ പോൾ വീഡിയോയിൽ പറയുന്നത്.
യെമൻ നേതാക്കളുടെ ശ്രമത്തിന് നന്ദി പറഞ്ഞുകൊണ്ടാണ് കെഎ പോൾ വീഡിയോയിൽ സംസാരിക്കുന്നത്. കഴിഞ്ഞ പത്ത് ദിവസമായി നിമിഷ പ്രിയയുടെ മോചനത്തിനായി രാവും പകലും 24 മണിക്കൂർ പ്രവർത്തിച്ചിരുന്നുവെന്നും ജയിൽ മോചിതയായ ശേഷം നിമിഷ പ്രിയയെ ഇന്ത്യയിലേക്ക് കൊണ്ടുവരാനുള്ള മാർഗങ്ങൾ സ്വീകരിക്കുമെന്നുമാണ് കെഎ പോൾ പറഞ്ഞത്.
യെമൻ തലസ്ഥാനമായ സനയിലെ ജയിലിൽ കഴിയുന്ന നിമിഷ പ്രിയയെ ജിദ്ദ, ഒമാൻ, ഇറാൻ, ഈജിപ്ത് അല്ലെങ്കിൽ തുർക്കിയിലെയോ സുരക്ഷിതയിടത്തേക്ക് എത്തിക്കാനായി ഇന്ത്യൻ സർക്കാരുമായി ചേർന്ന് പ്രവർത്തിക്കുമെന്നാണ് കെഎ പോൾ വീഡിയോയിൽ പറയുന്നത്.
നിമിഷ പ്രിയയെ മോചിപ്പിക്കുന്നതിനായുള്ള ശ്രമങ്ങൾക്ക് നയതന്ത്രജ്ഞരെ അയക്കാനും നിമിഷ പ്രിയയെ സുരക്ഷിതയാക്കാനും തയ്യറായതിന് പ്രധാനമന്ത്രി നരേന്ദ്ര മോദിയോടും കെഎ പോൾ നന്ദി പറഞ്ഞു. നിമിഷ പ്രിയയുടെ അമ്മയോടും കെഎ പോൾ വീഡിയോയിൽ നന്ദി പറയുന്നുണ്ട്. തന്റെ മകൾ മോചിതയാകുമെന്ന വിശ്വാസത്തോടെ സനയിൽ തുടർന്നതിന് അമ്മയോട് നന്ദി പറയുന്നുവെന്നാണ് കെഎ പോൾ പറഞ്ഞത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)