JEE Advances 2025 Results: 1,87,223 ഉദ്യോഗാർഥികളാണ് ഇത്തവണ ജെഇഇ പരീക്ഷക്കായി രജിസ്റ്റർ ചെയ്തത്
ജെഇഇ അഡ്വാൻസ്ഡ് പരീക്ഷാ ഫലം പ്രഖ്യാപിച്ചു. തിങ്കളാഴ്ച രാവിലെ 10 മണിക്ക് പ്രസിദ്ധീകരിക്കുമെന്നാണ് പറഞ്ഞിരുന്നതെങ്കിലും രാവിലെ 6 മണിക്ക് തന്നെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐഐടി) കാൺപൂർ ഫലം പ്രഖ്യാപിക്കുകയായിരുന്നു. ഐഐടി ഡൽഹി സോണിലെ രജിത് ഗുപ്ത 360 ൽ 332 മാർക്ക് നേടി കോമൺ റാങ്ക് ലിസ്റ്റിൽ (സിആർഎൽ) ഒന്നാം സ്ഥാനം നേടി.
1,87,223 ഉദ്യോഗാർഥികളാണ് ഇത്തവണ ജെഇഇ പരീക്ഷക്കായി രജിസ്റ്റർ ചെയ്തത്. എന്നാൽ, പരീക്ഷയിൽ ആകെ 54,378 പേർ യോഗ്യത നേടിയത്. ഐഐടി ഖരഗ്പൂർ സോണിലെ ദേവദത്ത മാജി 360 ൽ 312 മാർക്ക് നേടി സിആർഎൽ 16 നേടി അഖിലേന്ത്യാ വനിതാ ടോപ്പർ ആയി. മെയ് 18 നാണ് രണ്ട് ഷിഫ്റ്റുകളിലായി ഐഐടി കാൺപൂർ ഇക്കൊല്ലത്തെ ജെഇഇ അഡ്വാൻസ്ഡ് പരീക്ഷ നടത്തിയത്. പേപ്പർ 1 രാവിലെ 9 മുതൽ ഉച്ചയ്ക്ക് 12 വരെയും പേപ്പർ 2 ഉച്ചയ്ക്ക് 2:30 മുതൽ വൈകിട്ട് 5:30 വരെയും ആയിരുന്നു. പരീക്ഷയ്ക്ക് പിന്നാലെ മെയ് 25ന് ഇൻസ്റ്റിറ്റ്യൂട്ട് ആൻസർ കീ പുറത്തുവിട്ടിരുന്നു. പരാതികളോ എതിർപ്പുകളോ ഉണ്ടെങ്കില് അറിയിക്കാൻ മെയ് 27 വൈകിട്ട് 5 മണി വരെ സമയം നല്കിയിരുന്നു.
പരീക്ഷ എഴുതിയ ഉദ്യോഗാർഥികൾക്ക് ജെഇഇ അഡ്വാൻസ്ഡിന്റെ ഔദ്യോഗിക വെബ്സൈറ്റായ https://jeeadv.ac.in/ ൽ നിന്നോ https://results25.jeeadv.ac.in എന്ന നേരിട്ടുള്ള ലിങ്കിൽ നിന്നോ ഒമ്പത് അക്ക റോൾ നമ്പർ, ജനന തീയതി, മൊബൈൽ നമ്പർ എന്നിവ നൽകി ഫലം അറിയാം.
ജെഇഇ അഡ്വാൻസ്ഡ് 2025 ഫലം എങ്ങനെ പരിശോധിക്കാം?
ഘട്ടം 1: ജെഇഇ അഡ്വാൻസ്ഡ് 2025 ന്റെ ഔദ്യോഗിക വെബ്സൈറ്റ് സന്ദർശിക്കുക - jeeadv.ac.in
ഘട്ടം 2: ഹോം പേജിൽ ലഭ്യമായ JEE അഡ്വാൻസ്ഡ് റിസൾട്ട് ലിങ്കിൽ ക്ലിക്ക് ചെയ്യുക
ഘട്ടം 3: JEE അഡ്വാൻസ്ഡ് 2025 റോൾ നമ്പർ, ജനനത്തീയതി DD/MM/YYYY ഫോർമാറ്റിൽ, 10 അക്ക രജിസ്റ്റർ ചെയ്ത ഫോൺ നമ്പർ എന്നിവ ആവശ്യമായ ഫീൽഡുകളിൽ നൽകി 'Submit' ക്ലിക്ക് ചെയ്യുക.
ഘട്ടം 4: JEE അഡ്വാൻസ്ഡ് 2025 ഫലം സ്ക്രീനിൽ ദൃശ്യമാകും. സ്കോർകാർഡ് പരിശോധിച്ച് ഡൗൺലോഡ് ചെയ്യുക, പ്രിന്റൗട്ട് എടുത്ത് കൂടുതൽ റഫറൻസിനായി ഹാർഡ് കോപ്പി സൂക്ഷിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)