close

News WrapGet Handpicked Stories from our editors directly to your mailbox

പുല്‍വാമ ആക്രമണത്തിന് ഉപയോഗിച്ച കാറിന്‍റെ ഉടമയെ വധിച്ചു

പുല്‍വാമ ഭീകരാക്രമണത്തിന് മറ്റൊരു തിരിച്ചടി നല്‍കി ഇന്ത്യന്‍ സൈന്യം. 

Updated: Jun 18, 2019, 06:22 PM IST
പുല്‍വാമ ആക്രമണത്തിന് ഉപയോഗിച്ച കാറിന്‍റെ ഉടമയെ വധിച്ചു

ശ്രീനഗര്‍: പുല്‍വാമ ഭീകരാക്രമണത്തിന് മറ്റൊരു തിരിച്ചടി നല്‍കി ഇന്ത്യന്‍ സൈന്യം. 

40ല്‍ അധികം സി.ആര്‍.പി.എഫ്. ജവാന്മാരുടെ ജീവനെടുത്ത പുല്‍വാമ ആക്രമണത്തില്‍ പങ്കാളിയായ ജെയ്‌ഷെ ഭീകരനെ  സുരക്ഷാസേന വധിച്ചു. ചൊവ്വാഴ്ച രാവിലെ അനന്തനാഗ് ജില്ലയിലെ മര്‍ഹാമ മേഖലയില്‍ നടന്ന ഏറ്റുമുട്ടലിലാണ് ജെയ്‌ഷെ ഭീകരന്‍ സജ്ജാദ് അഹമ്മദ് ഭട്ടിനെ സുരക്ഷാസേന വധിച്ചത്. ഇയാളുടെ സഹായിയും ഏറ്റുമുട്ടലില്‍ കൊല്ലപ്പെട്ടതായാണ് റിപ്പോര്‍ട്ട്.

പുൽവാമ ആക്രമണത്തിന് തൊട്ടുപിന്നാലെതന്നെ ഭീകരാക്രമണത്തിന് ഉപയോഗിച്ച മാരുതി ഇക്കോ കാർ സജ്ജാദിന്‍റെ ഉടമസ്ഥതയിലുള്ളതാണെന്ന്‍ ദേശീയ അന്വേഷണ ഏജൻസി (എൻഐഎ) വ്യക്തമാക്കിയിരുന്നു. ഫെബ്രുവരി 14-ന് സി.ആര്‍.പി.എഫ് വാഹനവ്യൂഹത്തിലേക്ക് സ്‌ഫോടകവസ്തുക്കള്‍ നിറച്ച കാറോടിച്ച്‌ കയറ്റി നടത്തിയ ചാവേറാക്രമണത്തില്‍ സജ്ജാദ് അഹമ്മദ് ഭട്ടിനും പങ്കുണ്ടായിരുന്നു. 

പുല്‍വാമ ആക്രമണത്തിന് ശേഷം ഒളിവില്‍പോയിരുന്ന ഇയാളുടെ ചിത്രങ്ങള്‍ ഫെബ്രുവരി അവസാനത്തോടെ സാമൂഹികമാധ്യമങ്ങളില്‍ പ്രചരിച്ചിരുന്നു. പിന്നീടാണ്‌ സജ്ജാദ് ഭട്ടിനായുള്ള തിരച്ചില്‍ സുരക്ഷാസേന ഊര്‍ജ്ജിതമാക്കിയത്. 

ചൊവ്വാഴ്ച രാവിലെ മര്‍ഹാമയിലെത്തിയ സുരക്ഷാസേന സജ്ജാദ് ഭട്ടിനെ കണ്ടെത്താന്‍ തിരച്ചില്‍ നടത്തുന്നതിനിടെയാണ് സുരക്ഷാസേനയ്ക്ക് നേരെ വെടിവെപ്പുണ്ടായത്. ഏറ്റുമുട്ടലില്‍ ഒരു സൈനികന്‍ വീരമൃത്യു വരിക്കുകയും മറ്റൊരു സൈനികന് പരിക്കേല്‍ക്കുകയും ചെയ്തു.